الماتىدا جەڭىلجۇرىستىلەر العاشقى بولىپ جەزوكشەلەر ءۇيىن اشۋعا نيەتتى دەپ حابارلايدى NUR.KZ پورتالى "ەكسپرەسس ك" باسىلىمىنا سىلتەمە جاساپ.

ءبىر قىزىعى، مۇنداي ويدىڭ تۋىنداۋىنا جەزوكشەلىككە قارسى شىعىپ جۇرەتىن ادۆوكات جانگەلدى سۇلەيمەنوۆتىڭ جازباسى سەبەپ بولعان.

زاڭگەر جەزوكشەلەر ءۇيىنىڭ اشىلۋىنا تىيىم سالاتىن زاڭ جوق بولعاندىقتان، ولار ءوز بەتىنشە رەتتەلەتىن ۇيىم اشىپ الۋى ابدەن مۇمكىن ەكەنىن جازعان.

جوبا ۇيىمداستىرۋشىلارىنىڭ ويىنشا، جەزوكشەلىك بار، بولعان جانە بولا بەرەدى. بۇل ورايدا ونى رەسمي زاڭداستىرعان دۇرىسىراق دەپ سانايدى ولار.

"قىزدار مەملەكەت بيۋدجەتىنە جانە زەينەتاقى قورىنا اقشا سالىپ وتىرادى. ءاربىر "كەزدەسۋ ۇيىنە" بەكىتىلگەن دارىگەر بولادى. ول قىزمەت كورسەتۋشىلەردىڭ دەنساۋلىعىن قاداعالاپ، اقتق سەكىلدى جۇقپالى اۋرۋلاردىڭ تارالۋىنا جول بەرمەيدى", - دەيدى ۇيىمداستىرۋشىلاردىڭ ءبىرى يرينا.

"تۇنگى كوبەلەكتەر" سۇرانىستى ارتتىرۋدىڭ جوسپارىن دا قۇرىپ قويعان ەكەن. ماسەلەن، قىزدار كەلگەن قوناقتىڭ قالاۋى بويىنشا كەز-كەلگەن تانىمال جۇلدىزدىڭ كەيپىندە قىزمەت ەتەدى، ال ول ءۇشىن ارنايى تىگىنشىلەر مەن ستيليستەر جالداناتىن بولادى.

الايدا زاڭگەر ايناگۇل ءابىلانوۆا، مۇنداي قىزمەت ءتۇرىن اشقاندار زاڭ الدىندا جاۋاپ بەرەتىنىن ەسكەرتتى.

"سەكس قىزمەت ۇسىناتىن بارلىق جەكە كاسىپكەرلەر زاڭ الدىندا جاۋاپ بەرەدى. ولاردى قىلمىستىق كودەكستىڭ 309 بابى "جەزوكشەلىك پەن جەڭگەتايلىققا ارنالعان ورىن اشىپ، ونى ۇيىمداستىرۋ" بويىنشا جاۋاپكەرشىلىك كۇتىپ تۇر. وعان سايكەس، ايىپتىلار الدىن الا كەلىسىلگەن توپتىق قىلمىس جاساعانى ءۇشىن 3-7 جىلعا دەيىن تەمىر تورعا قامالىپ، مۇلكى تاركىلەنەدى", - دەيدى زاڭگەر.

وسىعان وراي، جەزوكشەلەر ءۇيى اشىلا قويۋى ەكىتالاي، سەبەبى وعان قاراستىرىلعان جاۋاپكەرشىلىك "سەكستى" كاسىپ ەتكەندەردى قۋانتا قويمايدى.

اباي-اقپارات