رەسەيدىڭ قارجىگەرى ءارى بلوگەرى سلاۆا ءرابينوۆيچتىڭ ويىنشا، جۋىردا تۋلا وبلىسى گۋبەرناتورىنىڭ مىندەتىن اقارۋشى بولىپ تاعايىندالعان الەكسەي ديۋمين رەسەي پرەزيدەنتى ۆلاديمير ءپۋتيننىڭ مۇراگەرى بولىپ ەسەپتەلەدى, - دەپ جازادى oinet.kz سايتى.  

ءوزىنىڭ الەۋمەتتىك جەلىدەگى پاراقشاسىنداعى جازباسىنا قاراعاندا ا.ءديۋميننىڭ اتالعان لاۋازىمعا كىرىسۋى كرەملدە «مۇراگەر وپەراتسياسىنىڭ» باستالعانىن بىلدىرەدى. «مۇراگەر وپەراتسياسى» بۇل ارنايى وپەراتسيا. وسىنداي ارنايى وپەراتسيا كەزىندە پۋتين پرەزيدەنت بولدى. ەندى ونىڭ ورنىن ديۋمين باسادى. پۋتين ۋاقتىسىندا سوبچاكتىڭ اديۋتانتى ءارى كۇزەتشىسى بولعان. ال ديۋمين ءپۋتيننىڭ اديۋتانتى ءارى كۇزەتشىسى بولدى» دەيدى بلوگەر.

- 2014 جىلى 42 جاسىندا ديۋمين گەنەرال-مايور شەنىن الىپ، كۇشتىك قۇرىلىمداردىڭ ارنايى ورپەراتسيالارىنا جەتەكشىلىك ەتتى. وسىنداي وپەراتسيالاردىڭ بىرىندە قۇپيا توپ «رەسەيدىڭ قىرىمعا قوسىلۋى» وپەراتسياسىندا ماڭىزدى رول وينادى. 2014 جىلدىڭ 23 اقپانىندا ا.ءديۋميننىڭ جەتەكشىلىگىمەن ۋكراينانىڭ ەكس-پرەزيدەنتى ۆيكتور يانۋكوۆيچ رەسەيگە اكەلىندى،--دەپ جازادى رابينوۆيچ.

- ديۋمين بۇدان كەيىن باس شتابتىڭ باستىعى — قۇرلىق اسكەرى باس قولباسشىسى  ساليۋكوۆتىڭ ءبىرىنشى ورىنباسارى قىزمەتىن اتقاردى. 2015 جىلدىڭ 24 اقپانىندا رەسەي قورعانىس ءمينيسترى، اسكەري قىلمىسكەر سەرگەي شويگۋدىڭ ءبىرىنشى ورىنباسارى بولىپ تاعايىندالدى، -- دەپ جازادى بۇدان كەيىن ول.

اباي-اقپارات