وتكەن اپتادا وڭىرلىك ورگاندار، ۇلتتىق كومپانيالار مەن بيلىك باسىنداعى باس پارتيادا ورىن العان باستى كادرلىق تاعايىنداۋلاردى ەستەرىڭىزگە تۇسىرە كەتسەك.

ادەتتەگىدەي، كەزەگىنەن تىس وتكىزىلەتىن پارلامەنتتىڭ تومەنگى پالاتاسىن سايلاۋ ناۋقانى قارساڭىندا پرەزيدەنتتىك «نۇر وتان» پارتياسىندا از-كەم اۋىس-ءتۇيىس ورىن الدى. «نۇر وتان» دەموكراتيالىق پارتياسى توراعاسى ءبىرىنشى ورىنباسارىنىڭ كەڭەسشىسى قىزمەتىنە ءاليا گاليموۆا حانىم تاعايىندالدى.

ءاليا گاليموۆا - ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى. 1995-2003 جىلدار ارالىعىندا پاۆلودار پەدوگوگيكالىق ينستيتۋتىندا، س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ۇستازدىق قىزمەتتە بولعان.

2003-2010 جىلدار ىشىندە قر پرەزيدەنتى اكىمشىلىگىندە، ىشكى ساياسات بولىمىندە باس ساراپشى بولىپ قىزمەت ەتتى.

قر پارلامەنتى ءماجىلىسىنىڭ دەپۋتاتى (05.10.2015-20.01.2016 ج).

ءلاززات يبراگيموۆا ءۇشىن دە وتكەن اپتا ءساتتى كادرلىق تاعايىنداۋمەن اياقتالدى.  اقوردا شەشىمىمەن، ءلاززات حانىم  «باتەرەك» حولدينگى باسقارما توراعاسىنىڭ ورىنباسارى لاۋازىمىنا يە بولدى.

بۇل قىزمەتكە تاعايىندالماس بۇرىن، ءلاززات حانىم «دامۋ» قورىن باسقارىپ كەلگەن-ءتىن.

ءلاززات يبراگيموۆانىڭ ەسكى كرەسلوسى قانىش تىلەۋشينگە بۇيىردى. جاڭا قىزمەتكە اۋىسار الدىندا  قانىش تىلەۋشين ءدال ءلاززات حانىمنىڭ قىزمەتىن اتقارىپ كەلگەن بولاتىن. تىلەۋشين «بولاشاق» باعدارلاماسىنىڭ تۇلەگى. 2006 جىلى ۇلىبريتانياداعى وكسفورد برۋكس ۋنيۆەرسيتەتىن ۇزدىك تامامداعان.

سونداي-اق، بولات اقشولاقوۆ مىرزا «KAZENERGY» كومپانياسىنىڭ باس ديرەكتورى بولدى.

ايتپاقشى، وتكەن اپتادا «قازترانسويل» اق ديرەكتورلار كەڭەسى جاساقتالدى. ديرەكتورلار كەڭەسىنىڭ توراعاسى كرەسلوسىنا دانيار بەرلىباەۆ مىرزا جايعاستى.

قاراعاندى وبلىستىق مەملەكەتتىك قىزمەتتەر دەپارتامەنتىنىڭ جەتەكشىسى قىزمەتىنە جاندوس سارسەنوۆ مىرزا كىرىستى. 36 جاستاعى سارسەنوۆ مىرزا قر پارلامەنتى ماجىلىسىندە ءتۇرلى لاۋازىمداردى اتقارعان بولاتىن.

Abai.kz