رەجيسسەر سالامات مۇحاممەد-ءالي اقش-تا ينتەللەكتۋالدىق قۇلدىققا تۇسكەن قىز جايلى فيلم تۇسىرمەك. بۇل تۋرالى ەكسپرەسس-ك باسىلىمى حابارلايدى. تىرناق الدى تۋىندىسىنا رەجيسسەر «قۇلدار» دەگەن اتاۋ بەرگەن. ءفيلمنىڭ پروديۋسەرلىك قىزمەتىن اتاقتى گرەي فرەدريكسونى: «وكىل اكە» تريلوگياسىندا جۇمىس ىستەگەن ونەرپاز اتقارادى. ءتۇسىرىلىمنىڭ نەگىزگى بولىگى امەريكادا وتەدى، بىراق كورەرمەن قازاقتىڭ كەڭ دالاسىن دا كورە الادى.

– بۇل قازاقستاندىق دارىندى قىز جايلى وقيعا – دەيدى «الماتى» ارناسىنا بەرگەن سۇحباتىندا سالامات مۋحاممەد-الي. – بىرنەشە قىلمىستىق وقيعالارعا تاپ بولعان ول نيۋ-يورككە تابان تىرەيدى. وسىلايشا ەسسىز بايدىڭ قولىنا ءتۇسىپ، ونىڭ ينتەللەكتۋالدى قۇلىنا اينالادى.

قازىر الەمدىك اۋديتورياعا لايىقتاپ ستسەناري جازىلىپ جاتىر جانە بيۋدجەتى ەسەپتەلىپ جاتىر. رەسەي، اقش، قىتاي مەن قازاقستاننان ينۆەستورلاردى تارتۋ ماسەلەلەرى شەشىلۋدە. ءفيلمنىڭ اكتەرلىك قۇرامى ءالى بەكىتىلمەگەن، بىراق وندا امەريكالىق جانە قازاقستاندىق ونەرپازدار قاتىسادى دەپ جوسپارلانۋدا.

Abai.kz