«ەگەر ەركەك پەن ەركەك، نەمەسە ايەل مەن ايەل بىرگە تۇراتىن بولسا، مەنىڭ ويىمشا، ولاردىڭ ءبىر جەرى دۇرىس ىستەمەيدى نەمەسە قانداي دا ءبىر اۋىتقۋشىلىق بولعان»، - دەدى كاريموۆ.

وزبەكستاندا گوموسەكسۋاليزم نەمەسە ءبىرجىنىستى قارىم-قاتىناس ءۇشىن قىلمىستىق جازا قاراستىرىلعان. ودان بولەك مۇنداي جاندار وزبەك قوعامىندا ۇنەمى قىسىمعا ۇشىرايدى. سوڭعى جىلدارى ينتەرنەتتە وزبەكستانداعى گەيلەر مەن ترانسۆەستيتتەردى سوققىعا جىققان بەينەجازبالار كوبەيىپ كەتتى

وكەن ايدا Telegram مەسسەندجەرىندە ايەلدىڭ ءىش كيىمىن كيىپ، بەت-اۋزىن بوياعان جاس ترانسۆەستيت پەن ونىڭ سەرىكتەرىن بالاعاتتاپ، ۇرىپ-سوعىپ جاتقان وزبەك ميليتسونەرلەرىنىڭ ۆيدەوروليگى تاراعان ەدى.

​كەيبىر ادام تاشكەنتتە ورىن العان بۇل وقيعانى گوموفوبيانىڭ كورىنىسى رەتىندە باعالادى.

وزبەكتاندىق بلوگەر قانات ءادىل ادامداردى سەكسۋالدى باعىتىنا قاراي ءبولىپ جانە ولاردى سوققىعا جىعۋدىڭ زۇلىمدىق بوپ تابىلاتىنىن، بۇعان ميليتسيا قىزمەتكەرلەرى بارىپ جاتسا، ودان وتكەن سوراقىسى بولمايتىنىن ايتتى. جانە مۇنىڭ ءبارى، قانداي بولسا دا وزبەكستان ازاماتتارىنا قاتىستى زاڭسىز ارەكەت ەكەنىن جازدى.

وزبەكستان قىزتەكەلىك قىلمىس سانالاتىن 70-تەن استام ەلدىڭ تىزىمىندە. رەسپۋبليكانىڭ قىلمىستىق كودەكسىنىڭ 120 بابىنا سايكەس، قىزتەكەلىك ءۇشىن ءبىر جىلدان ءۇش جىلعا دەيىن باس بوستاندىعىنان ايىرادى.