ەلدىڭ پرەمەر-ءمينيسترىنىڭ ورىنباسارى نۋمان كۋرتۋلمۋشتىڭ حابارلاۋىنشا، كيليس ماڭىنداعى شەكارادا جينالىپ قالعان، ۇكىمەتتىك اسكەردىڭ شابۋىلىنان قاشقان ونداعان مىڭ بوسقىننىڭ بارار جەرى جوق. ۆيتسە-پرەمەر: «ولار نە بومبا استىندا قازا تابادى نەمەسە ءبىز ولارعا شەكارامىزدى اشامىز،- دەپ مالىمدەدى.

سيريا اسكەرى الەپپو ماڭىنداعى كوتەرىلىسشىلەر باقىلاۋىنداعى اۋداندارعا شابۋىلىن جالعاستىرۋدا. اسكەري قيمىلداردان 35 مىڭعا جۋىق ادام تۇركيامەن شەكاراعا قاشقان. بۇعان دەيىن ەۋرووداقتىڭ سىرتقى ىستەر بويىنشا جوعارعى كوميسسارى فەدەريكا موگەريني بوسقىندارعا باسپانا بەرۋدىڭ قۇقىقتىق، كەم دەگەندە مورالدىق تۇرعىداعى مىندەتتەمە ەكەنىن مالىمدەپ، انكارانى بوسقىنداردى ەل اۋماعىنا كىرگىزۋگە شاقىرعان بولاتىن. قاراشا ايىندا ەو تۇركياعا بوسقىندارعا كومەك كورسەتۋ ءۇشىن 3,3 ميلليارد دوللار بەرۋگە ۋادە بەرگەن. قازىرگە دەيىن ەل 2,5 ميلليون ادامدى پانالاتىپ وتىر.

Abai.kz