مەركەل بۇل جونىندە ۋكراينا پرەزيدەنتى پەتر پوروشەنكومەن كەزدەسكەننەن كەيىن، بەرليندە مالىمدەدى. "رەسەي مينسك كەلىسىمىندەگى مىندەتتەردى تولىق ورىندامايىنشا، دونباستاعى شيەلەنىس تولىق اياقتالمايىنشا، سانكتسيالار ساقتالۋعا ءتيىس", – دەدى مەركەل پوروشەنكومەن بىرگە وتكىزگەن ءباسپاسوز ءماسليحاتىندا.

پوروشەنكونىڭ سوزىنشە، دونباستاعى قاقتىعىس قاڭتار ايىندا ۋشىعىپ كەتكەن. وزدەرىن وزدەرى جاريالاعان دونەتسك جانە لۋگانسك حالىقتىق رەسپۋبليكالارىنداعى جاعداي دا شيەلەنىسە تۇسكەن. اتىس 40 كۇن بويىندا سوزىلعان. مۇنان وزگە، ەىقۇ-نىڭ ارنايى وكىلدەرى ءۇشىن دونباستاعى جاعدايعا مونيتورينگ جاساۋدا ءتۇرلى كەدەرگىلەرگە تاپ بولىپ كەلەدى دەدى.

ماسكەۋ بولسا، دونباستاعى سەپاراتيستەرگە قولداۋ كورسەتەتەدى دەگەندى تەرىسكە شىعارادى.

اباي-اقپارات