دونەتسكىدە جىكشىلدەر ەقىۇ باقىلاۋشىلارىن اتقىلادى
ەقىۇ جەلتوقساننىڭ 27-دە، دونەتسك وبلىسىنىڭ كومينتەرنوۆو كەنتىنىڭ ماڭىندا باقىلاۋشىلار ميسسياسىنا وق اتتى دەپ جىكشىلدەردى ايىپتادى.
ۇيىم ەسەبىندە وقتىڭ 150-200 مەتر جەردەن اتىلعانى تۋرالى جازىلعان، ال ۋكراين اسكەرىنىڭ شەپتەرى كومينتەرنوۆودان الىستا ورنالاسقاندىقتان، تەك جىكشىلدەردىڭ عانا وق اتۋى مۇمكىن.
وق استىندا قالعان ەقىۇ باقىلاۋشىلارىنىڭ جانىندا وزدەرى جاريالاعان «دونەتسك حالىق رەسپۋبليكاسى» قورعانىس مينيسترلىگىنىڭ وكىلى ەدۋارد باسۋرين بولعان. ادام شىعىنىنا ۇلاسپاعان وسى جايتتان سوڭ، ول وقتى ۋكراين اسكەرىنىڭ عانا اتۋى مۇمكىن ەكەنىن مالىمدەدى. كيەۆ بولعان وقيعانى ارانداتۋشىلىق دەپ اتاپ، بۇل اقپاردى تەرىستەدى.
بۇعان دەيىن، ۋكراينانىڭ باس شتابى جاۋلاسقان ەكى جاقتىڭ ورتاسىندا قالعان كومينتەرنوۆو كەنتىندە جىكشىلدەردىڭ بەكىنگەنى تۋرالى حابارلاعان ەدى. ۋكراين اسكەريلەرىنىڭ مالىمەتىنشە، دحر سودىرلارى كەنتتە اتىس ۇيالارىن قۇرىپ، شەپتەرىنە اپاراتىن جولدىڭ ءبارىن مينالاپ تاستاعان.
اباي-اقپارات
