تاشكەنت قالاسىنىڭ حوكيمياتى (اكىمدىگى) شاھار جۇرتىنا جاڭا جىلدا ۇيلەرىندە قارسى الۋعا كەڭەس بەردى. بىراق مەيرامحانالار مەن ويىن-ساۋىق مەكەمەلەرىندە مەرەكەلەۋگە تىيىم سالىنبايتىنىن دا ەسكەرتتى.

بۇنىڭ الدىندا وزبەك ءباسپاسوزى بيلىك جاڭا جىل تۇنىندە بارلىق مەيرامحانالاردى جابادى دەگەن اقپارات تاراعان بولاتىن.

«جاڭا جىلدى ءبىزدىڭ ەلىمىزدە وتباسىندا قارسى الۋ داستۇرگە اينالعان. جاڭا جىلدى جاقسى كوڭىل كۇيمەن وتكىزۋ ءۇشىن بۇل ءبىزدىڭ ۇسىنىسىمىز عانا»،- دەلىنگەن اكىمدىك تاراتقان مالىمدەمەدە.

وتكەندە تاجىكستان بيلىگىنىڭە دە شىرشا مەرەكەسىن تويلاۋعا تيىم سالىپ جاتقانىن حابارلاعانبىز. تۇركمەنستاندا دا جاعداي سولاي. تەك قازاقستان عانا جاڭا جىلدى قارسى الۋعا ەرەكشە قۇلشىنىس تانىتىپ، وت شاشۋلار اتىپ، ءبۇيىرى سولىڭقى بيۋدجەتتەن اقشا شاشىپ، شىرشانى شىر اينالۋدا. قازاقستاندا ءبىر شىرشانى الاڭعا تۇرعىزىپ، بەزەندىرۋ ءۇشىن 80 ملن تەڭگەدەن استام قارجى جۇمسالادى ەكەن. شىرشا ايناۋلدان باس تارتقان شىمكەنت قالاسىنىڭ اكىمدىگى وتكەندە 80 ميلليون تەڭگەنى بالالار ۇيىنە بەردى.

اباي-اقپارات