Тәшкент қаласының хокимияты (әкімдігі) шаһар жұртына Жаңа жылда үйлерінде қарсы алуға кеңес берді. Бірақ мейрамханалар мен ойын-сауық мекемелерінде мерекелеуге тыйым салынбайтынын да ескертті.

Бұның алдында өзбек баспасөзі билік Жаңа жыл түнінде барлық мейрамханаларды жабады деген ақпарат тараған болатын.

«Жаңа жылды біздің елімізде отбасында қарсы алу дәстүрге айналған. Жаңа жылды жақсы көңіл күймен өткізу үшін бұл біздің ұсынысымыз ғана»,- делінген әкімдік таратқан мәлімдемеде.

Өткенде Тәжікстан билігініңе де Шырша мерекесін тойлауға тиым салып жатқанын хабарлағанбыз. Түркменстанда да жағдай солай. Тек Қазақстан ғана Жаңа жылды қарсы алуға ерекше құлшыныс танытып, от шашулар атып, бүйірі солыңқы бюджеттен ақша шашып, Шыршаны шыр айналуда. Қазақстанда бір шыршаны алаңға тұрғызып, безендіру үшін 80 млн теңгеден астам қаржы жұмсалады екен. Шырша айнаулдан бас тартқан Шымкент қаласының әкімдігі өткенде 80 миллион теңгені балалар үйіне берді.

Абай-ақпарат