عىلىم مەن تەحنيكا, مادەنيەت پەن ونەر جاڭالىقتارىنىڭ جارشىسى بولاتىن «ەكسپو-2017»  كورمەءسى  قازاقستاننىڭ بارلىق سالاداعى جەتكەن جەتىستىكتەرىن الەم الدىندا پاش ەتەتىن الەمدىك مەگاجوبا بولعالى وتىر. اسىرەسە، تاۋەلسىزدىك جىلدار بوي كوتەرگەن ەلوردامىز اسەم استانانىڭ ايبىنىن الەمگە تانىتاتىن بولادى. سول سەبەتى كورمەنىڭ دايىندىعى كۇننەن كۇنگە ارتىپ  كەلەدى.

مەملەكەتىمىزدىڭ ايبىنىن اسقاقتاتىپ، مەرەيىن ارتتىراتىن ەكسپو-2017 كورمەسىنە دايىندىق شارالارىن تەزدەتۋ ماقساتىندا «استانا ەكسپو-2017» كومپانياسى مەن استانا قالاسى اكىمدىگى بىرلەسە وتىرىپ، ورتاق جۇمىس جوسپارىن جەتىلدىرۋدى قولعا الۋدا. قازىرگى تاڭدا 50 ءىس-شارانى وتكىزۋدى كوزدەيتىن 2018 جىلعا دەيىنگى جۇمىس جوسپارى ازىرلەندى.  بۇل تۋرالى استانا قالاسىنىڭ اكىمى ادىلبەك جاقسىبەكوۆ ء«بىزدى ۇلكەن دە جاۋاپكەرشىلىكتى جۇمىس كۇتىپ تۇر. ۇلتتىق كومپانيا مەن ەلوردا اكىمدىگىنىڭ قىزمەتتەرى ءوز جۇمىستارىن ءبىر ارناعا توعىستىرۋى كەرەك. الدىمىزدا ورتاق ماقساتتار تۇر، ولاردىڭ ورىندالۋى ءۇشىن ءبىز ءبىر ۇجىم رەتىندە جۇمىس ىستەۋىمىز كەرەك»، - دەدى.

نەگىزى، جسوپار بويىنشا  2016 جىلى ەكسپو نىساندارىن سالۋ  جۇمىسى تولىق اياقتالۋى كەرەك. سوندىقتان دايىندىق قىزۋ جۇرگىزىلىپ جاتىر. استانا اكىمدىگى كورمەگە دايىندىق اياسىندا قالانىڭ ينفراقۇرىلىمى مەن ەلوردالىق سەرۆيس ساپاسىن جاقسارتۋ، سونداي-اق، اقپاراتتىق جۇمىس پەن شەت ەلدەردەن قوناقتاردى تارتۋ بويىنشا ۇلكەن جۇمىستار اتقارۋدا. ەكسپو كەزىندە وتكىزىلەتىن شارالارعا ەرەكشە كوڭىل بولىنۋدە. كورمە وتەتىن كۇندەرى ەلوردادا ءتۇرلى فەستيۆالدەر، كونتسەرتتىك باعدارلامالار، حالىقارالىق جارىستار، سپورتتىق شارالار مەن بيزنەس-فورۋمدار وتكىزۋ كوزدەلگەن.  «استانا ەكسپو-2017» كومپانياسىنىڭ وكىلى ايگۇل مۇكەيدىڭ پىكىرىنشە، كورمەدە مەرەكەلىك شارالار باسىمدىق الاتىن بولادى.  «كورمە 2017 جىلدىڭ 10 ماۋسىمى مەن 10 قىركۇيەگى ارالىعىندا وتەدى. بۇل تەك، حالىقارالىق سيمپوزيۋمدەر مەن كونفەرەنتسيالار عانا ەمەس، ءۇش مىڭنان استام مادەني شارالار مەن «ا» كلاسىنداعى جۇلدىزداردىڭ مەرەكەلىك كەشتەرى وتەتىن كۇندەر. سونىڭ بارلىعى 93 كۇن ىشىندە بولادى»، - دەدى ا.مۇكەي.

كورمە كەزىندە قالانىڭ لوگيستيكا ماسەلەسى دە ەرەكشە ماڭىزعا يە بولماق، سوندىقتان، قازىرگى ۋاقىتتا حالىقارالىق اۋەجاي تەرمينالىن كەڭەيتۋ، تەمىر جول ۆوكزالى مەن جەڭىل رەلستى كولىك جولاقتارىن سالۋ سەكىلدى بىرقاتار ءىرى جوبالار جۇزەگە اسىرىلۋدا. بۇل رەتتە ەلوردا قوناقتارى ءۇشىن ناۆيگاتسيا جۇيەسى دە جاقسارتىلادى. استانانىڭ «ەكسپو» كورمەسىنە دايىندالۋ بارىسىندا ينفراقۇرىلىمعا ايرىقشا ءمان بەرۋ كەرەكتىگىن ەلباسى «نۇرلى جول» باعدارلاماسىندا دا قامتىعان بولاتىن. «ەكسپو-2017 قارساڭىندا بىزگە استانانىڭ كولىكتىك ينفراقۇرىلىمىن دامىتۋ تۋرالى ويلاستىرۋ قاجەت. استانا اەروپورتى وسى جىلدىڭ وزىندە-اق ءوزىنىڭ ماكسيمالدى وتكىزۋ قابىلەتى - 3,5 ميلليون ادامعا جەتەدى. سوندىقتان ونىڭ الەۋەتىن ۇلعايتۋ ءۇشىن 2015 جىلى جاڭا تەرمينال قۇرىلىسى مەن ۇشۋ-قونۋ جولاعىن قايتا جاڭعىرتۋ ءۇشىن 29 ميلليارد تەڭگە ءبولۋدى تاپسىرامىن. بۇل وتكىزۋ قابىلەتىن 2017 جىلعا قاراي جىلىنا 7,1 ميلليون جولاۋشىعا دەيىن ۇلعايتۋعا مۇمكىندىك بەرەدى»، دەلىنگەن «نۇرلى جول» باعدارلاماسىنىڭ بەسىنشى باعىتىندا.

سونىمەن بىرگە، ەلوردانىڭ تۋريستىك تارتىمدىلىعىن ەسكەرە وتىرىپ، سۋۆەنيرلىك جانە يميدجدىك ونىمدەردىڭ شىعارىلۋى ارتادى. دەگەنمەن، بۇل سالا ايتارلىقتاي دامىماعان. ەلوردا اكىمىنىڭ ايتۋىنشا، سۋۆەنيرلىك ونىمدەردى شىعاراتىن كومپانيالارمەن جۇمىستى رەتتەپ، استانا برەندى مەن ەكسپو بەلگىسىن تاۋارلاردا كورسەتۋگە نازار اۋدارۋ قاجەت.

الايدا، بۇگىنگى تاڭدا قۇرىلىس سالاسىنداعى ەڭبەك شارتتارى وزەكتى ماسەلەلەردىڭ ءبىرى بولىپ تابىلادى. قۇرىلىس نىساندارىنىڭ كوبى قوسالقى مەردىگەرلىك مەكەمەلەردىڭ كۇشىمەن سالىناتىندىقتان، قۇرىلىس الاڭدارىندا جوعارى جانە ورتا بىلىكتىلىگى بار جۇمىسكەرلەر سانى ۇشتەن ءبىر بولىگىن دە قۇرامايدى. كوبى قۇرىلىس الاڭدارىندا عانا تاجىريبە جيناقتاي باستايدى. سونىڭ سالدارىنان قايعىلى وقيعالار ورىن الىپ، اتقارىلعان جۇمىس ساپاسى تومەن بولادى، سونداي-اق الەۋمەتتىك قاربالاستىق پەن ءتۇرلى شيەلەنىستەر كوپ كەزدەسەدى. 

ەكسپو اياقتالىسىمەن ول عيماراتتار ورتالىق ازياداعى ءىرى قارجىلىق ورتالىققا بەرىلەدى. سوندىقتان، بۇل كورمە استانانىڭ حالىقارالىق قارجى ورتالىعىنا اينالدىراتىن بىردەن ءبىر مەگا جوبا بولعالى وتىر. جانە استانا قارجىلىق ورتالىعىندا دۋباي مەن گونكونگ تاجىريبەسى قولدانىلادى. ىسكەرلىك جۇمىستار اعىلشىن تىلىندە جۇرگىزىلەدى. اعىلشىن سوتى، xالىقارالىق اربيتراج ەنگىزىلەتىن بولادى. بۇل كورمەنىڭ باستى تاقىرىبى «بولاشاق ەنەرەگياسى» بولعاندىقتان،    ەكسپو قازاقستاندا ەنەرگيانى ۇنەمدەۋ سالاسىندا مەملەكەتتىك ساياسات ءساتتى جۇزەگە اسىرۋىنىڭ كورىسىنى ىسپەتتى.  سونداي-اق، ەلوردامىزدىڭ الەم تانىعان، حالىقارالىق ارەنادا وزىندىك ورنى قالىپتاسقان، قارجى جانە مادەني ورتا رەتىندە قالىپتاستىرۋىنا ۇلەس قوساتىن ءىرى مەگا جوبا بولعالى وتىر. ەكسپو استانانىڭ ابىرويى اسقاقتاتىپ، ايبىنىن ەسەلەيدى. سوندىقتان، استاناداعى دايىندىق شاراسى ساپالى ءارى مەجەلى كۇنگە ساقالى ساي بولۋى ابزال.

ءجانيا ابدىبەك

Abai.kz