كەشە الماتى قالاسىنداعى قازاقستان جازۋشىلار وداعىندا «اق جول» پارتياسى مەن قازاقستان تاريحشىلار قاۋىمداسىعى بىرلەسىپ ۇيىمداستىرعان قازاق حاندىعىنىڭ 550 جىلدىعىنا ارنالعان حالىقارالىق “ەل مەن ەر” ء مۇشايراسى ءوتتى. بۇل تۋرالى abai.kz پورتالى حابارلايدى.

قازاقستان جازۋشىلار وداعىنىڭ ادەبيەتشىلەر ۇيىندە وتكەن جيىنعا «اق جول» پارتياسىنىڭ توراعاسى، قر پارلامەنتى ءماجىلىسىنىڭ دەپۋتاتى ازات پەرۋاشەۆ جانە ادەبيەتشى قاۋىم وكىلدەرى قاتىستى.

جيىننىڭ اشىلۋ سالتاناتىندا ءسوز العان دەپۋتات ازات پەرۋاشەۆ مىرزا، حاندىقتىڭ تويىنا ورايلاستىرىلىپ ۇيىمداستىرىلعان ءمۇشايرانىڭ ماڭىزى جونىندە باياندادى. دەپۋتات ازات پەرۋاشەۆتىڭ سوزىنە سۇيەنسەك، بۇنداي باستامالار كەلەر جىلى دا جالعاسىن تاباتىن بولادى.

ء«بىز «اق جول» پارتياسى – الاش قايراتكەرلەرىنىڭ ءىزىن جالعاۋشى پارتيا رەتىندە ۇلتتىق رۋحتى كوتەرەتىن، جاستارعا پاتريوتتىلىقتى ناسيحاتتايتىن وسىنداي شارالاردى ءجيى ۇيىمداستىرىپ وتىراتىن بولامىز. ءبىز حاندىعىمىزدىڭ تويىن بەكەردەن-بەكەر تويلاعان جوقپىز. اناۋ رەسەي پرەزيدەنتى، بىزدەردى، «قازاقتاردا مەملەكەتى بولماعان» دەپ ايتا سالدى. ال، ءبىز اسپاننان تۇسە سالعان ەل ەمەسپىز. ءبىز – دەشتى قىپشاقتىڭ، تۇرىك قاعاناتىنىڭ، التىن وردانىڭ مۇراگەرىمىز. وسىنداي ايبارىمىزدى كورسەتتىك. ەندى كەلەر جىلى، الاش قوزعالىسىنىڭ كوسەمى بولعان ءاليحان بوكەيحاننىڭ 150 جىلدىعى كەلە جاتىر. ودان كەيىن الاشتىڭ 100 جىلدىعى بار. بيىل يۋنەسكو دەگەن دۇنيەجۇزىلىك ۇيىم ءاليحاننىڭ 150 جىلدىعىن حالىقارالىق دەڭگەيدە تويلاۋ تۋرالى شەشىم شىعاردى. وسى رەتتە ايتا كەتەيىن، مەن پارلامەنت قابىرعاسىندا ءاليحان بوكەيحاننىڭ وسى مەرەيتويىن لايىقتى دەڭگەيدە اتاپ ءوتۋىمىز كەرەك دەگەن دەپۋتاتتىق ساۋالىمدى ۇكىمەتكە  جولدادىم. كوپ ۇزاماي ولاردان جاۋاپ كەلدى. ۇكىمەت بۇل باستامانى تولىقتاي قولداپ وتىر»، - دەدى ازات پەرۋاشەۆ.

سونىمەن قاتار، جيىن بارىسىندا ۇلتتىق رۋحتى كوتەرۋگە، الاش قايراتكەرلەرىنىڭ ەڭبەكتەرىن حالىققا ناسيحاتتاۋعا، ادەبيەت پەن عىلىمعا ەڭبەك سىڭىرگەن بىرقاتار ازاماتتارعا قازاق حاندىعىنىڭ 550 جىلدىعىنا ارنالعان ەستەلىك توسبەلگىسىن تاقتى.

مۇنداي ماراپاتقا لايىق دەپ تابىلعاندار ساپىندا دۋلات يسابەكوۆ، بەكسۇلتان نۇرجەكەەۆ، ومىرزاق ايتباەۆ، يسرايل ساپارباي، رافاەل نيازبەكوۆ، قازىبەك يسا، باۋىرجان جاقىپ، قادىربەك قۇنىپياۇلى جانە ت.ب. بار.

ال مەرەكەلىك مەدالداردى قازاقستان تاريحشىلار قاۋىمداستىعىنىڭ توراعاسى مامبەت قويگەلدى مەن دەپۋتات ازات پەرۋاشەۆ مىرزالار تابىستادى. 

جيىننىڭ نەگىزگى بولىگىندە مۇشايراعا قاتىسقان 156 اقىننىڭ 568 شىعارماسىنىڭ ىشىنەن ءادىل قازىلار ىرىكتەگەن 25 اقىنعا جۇلدە بەرىلدى.

ءمۇشايرانىڭ جۇلدەلى ءبىرىنشى ورىنى مەن 700 مىڭ تەڭگە اقشالاي سىيلىقتى جاس اقىن ازامات تاسقاراۇلى يەمدەندى. ال “ەل مەن ەر” ء مۇشايراسىنىڭ باس جۇلدەسى مەن 1ميلليون تەڭگە اقشالاي سىيلىق اقىن، اباي اتىنداعى سىيلىقتىڭ تۇڭعىش يەگەرى عالىم جايلىباي مىرزاعا تابىستالدى.

«مەن سوڭعى 15 جىلدان بەرى تۇڭعىش رەت مۇشايراعا قاتىسىپپىن. ءمۇشايرانى ءبىز كوبىنەسە ءوزىمىز ۇيىمداستىرامىز. ءبىزدىڭ دە ارتىمىزدان ەرىپ كەلە جاتقان جاس قالامگەرلەر بار. سوندىقتان، مەن وسى جەردە، ازات باستاعان «اقجولدىق» ازاماتتارعا راحمەتىمدى ايتا كەلىپ، مىنا جۇلدەگە ەكى جاس اقىننىڭ كىتابىن شىعارىپ بەرۋگە ۋادە ەتەمىن»، - دەدى عالىم جايلىباي مىرزا.

سونداي-اق، جۇيرىكتەردىڭ جىر بايگەسىنە ءدۇلدۇل اقىندار مەن بۇلبۇل انشىلەر جانە ونەر جۇلدىزدارى قاتىستى.

نۇرگەلدى ابدىعانيۇلى

Abai.kz