ەلباسىنىڭ «قازاقستان جاڭا جاھاندىق ناقتى احۋالدا: ءوسۋ، رەفورمالار، دامۋ» اتتى قازاقستان حالقىنا جولداۋىنىڭ نەگىزگى ەرەجەلەرىن ءتۇسىندىرۋ جانە ناسيحاتتاۋ ءۇشىن قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ وڭتۇستىك قازاقستان وبلىسىنا ارنايى جۇمىس ساپارىمەن كەلىپ، ءوڭىر جۇرتشىلىعىمەن كەزدەسۋ وتكىزدى.

جيىندى وبلىس اكىمىنىڭ ءبىرىنشى ورىنباسارى د.ساتىبالدى جۇرگىزىپ وتىردى. كەزدەسۋ بارىسىندا ە.ل.توعجانوۆ ەلباسىنىڭ ءار جولداۋى – ءبىزدىڭ بولاشاعىمىزدىڭ ستراتەگيالىق جوسپارى، ءومىرىمىزدىڭ ناقتى باعىتى، كەلەشەگىمىزدىڭ كەپىلى ەكەنىن، ەتنومادەني بىرلەستىكتەردى، قازاقستان حالقى اسسامبلەياسىنىڭ كافەدرالارىن، قوعامدىق كەلىسىم كەڭەستەرىن، بارلىق ازاماتتاردى جولداۋدى جۇزەگە اسىرۋعا بەلسەنە قاتىسۋعا شاقىراتىندىعىن اتاپ ءوتتى.

سونىمەن قاتار، كەزدەسۋدە وبلىس اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ باسشىسى ە.بايقوناقوۆ، وبلىستىق سلاۆيان ەتنومادەني بىرلەستىگىنىڭ مۇشەسى ا.شولگينا، سايرام اۋدانى وزبەك ەتنومادەني بىرلەستىگىنىڭ توراعاسى پ.يسلاموۆ ءسوز سويلەدى. كەزدەسۋگە قازاقستان حالقى اسسامبلەياسىنىڭ مۇشەلەرى، وبلىستىق باسقارمالارىنىڭ باسشىلارى، عىلىمي-ساراپشىلىق توبى، انالار كەڭەسىنىڭ مۇشەلەرى، «قوعامدىق كەلىسىم» كمم قىزمەتكەرلەرى قاتىستى.

وقو اكىمىنىڭ ءباسپاسوز قىزمەتى

اباي-اقپارات