يتاليا ەلىندەگى ساپارىمىز بارىسىندا بىرقاتار اۋىلشارۋاشىلىق، تاعام ونەركاسىبى مەن اياق كيىم ءوندىرىسى سالاسىنداعى كاسىپورىنداردى ارالاۋ مۇمكىندىگى بولدى. بۇل تۋرالى abai.kz پورتالى حابارلايدى.

اۋەلى يۋكاپ بيزنەس قاۋىمداستىعى جۋىردا گەرمانيا استاناسى بەرليندە ىسساپارمەن بولىپ قايتتى. قاۋىمداستىق مۇشەلەرىن "Barex"
بيزنەس اسسوتسياتسياسىنىڭ جاۋاپتى قىزمەتكەرلەرى اۋەجايدان شىناي ىقىلاسپەن قارسى الدى. ءسويتىپ ونداعى بيزنەسپەن شۇعىلداناتىن كاسىپكەرلەرمەن جىلى ءجۇزدى
كەزدەسۋلەر ءوتتى. وندا ءوزارا پايدالى پىكىرلەر الماسىلدى.

ءىسساپاردىڭ ءىى-ءى كۇنى الەمگە ايگىلى بەرلين قالاسىنىڭ ءىس تەتىگىن جەتىك بىلەر جەكە كاسىپكەرلەرمەن پىكىر الىسىپ، تاڭداۋلى كاسىپورىنداردا بولدىق. ونداعى
اتقارىلىپ جاتقان پايدالى جۇمىستارمەن جەكە تانىسىپ، بۇگىنگى كۇننىڭ وزىق تەحنولوگيالارىنىڭ ءىس جۇزىندە كورىپ، جاڭا ويلارمەن ورالدىق. ءبىر سوزبەن ايتقاندا 
نەمىس بيزنەسمەندەرىمەن دوستىق قارىم-قاتىناستا جۇمىس ىستەۋگە بولاتىندىعىنا جانە ونىڭ پايداسى مول ەكەنىنە كوزىمىزدى جەتكىزدىك.

ەكى كۇندىك ارنايى ءىسساپاردا اتاقتى قالانىڭ تاريحي ورىندارىن تاماشالاپ، اسىرەسە كوشە تازالىعىنا رازى بولدىق. كەزىندە ءتۇرلى سەبەپتەرمەن ەكىگە بولىنگەن 
106 شاقىرىم كەلەتىن بەرلين دۋالىن دا كوزدەن كەشىردىك. جەرگىلىكتى كاسىپكەرلەر قوناقجايلىلىعىمەن دە ەستە قالدى.

سونان سوڭ، وڭتۇستىك قازاقستان كاسىپكەرلەرى يتاليا قالاسىندا ءىس ساپارمەن بولدى. رەت رەتىمەن ايتار بولساق. العاشىندا بارعان كاسىپورىن اۋىلشارۋاشىلىعى سالاسىندا ءىرى قارا ءوسىرۋ ءسۇت ءوندىرۋ جانە دە وتە ءمان بەرەرلىك باعىتتارىنان بيوگاز ءوندىرىپ ودان ەلەكتر قۋاتىن شىعارۋمەن اينالىساتىندىعى. اتالمىش قوجالىق 600 گە جۋىق ءىرى قارانى اۆتوماتتاندىرىلعان جۇيەمەن ونشاقتى جۇمىسشىمەن اتقارىپ وتىر. سونىمەن قاتار بۇل فەرما ەرەكشەلىگى قالدىقسىز جۇمىس جاسايتىندىعى شىققان مالاقتان گاز ءوندىرىپ گازوگەنەراتور قوندىرعىلارىمەن ەلەكتر توعىن ءوندىرىپ سول ءوڭىردى قامتاماسىز ەتۋدە، جانە دە قوندىرعى ەكى جىل ىشىندە اقتايتىندىعى ءبىزدىڭ وڭتۇستىك ءوڭىر قوجالىقتارىنان ادس اگرو باسشىسىن قىزىقتىرىپ كەلەسى جىلى بۇل قوندىرعىنى قويۋعا دەگەن قىزىعۋشىلىعىن تىلگە تيەك ەتتى. 
كەلەسى بارعان كاسىپورىن تاۋدىڭ باسىندا ورنالاسقان. دەمالۋشىلاردى قابىلدايتىن قوناق ءۇيى بار بۇل جەردە جاس سيىر ەتىنەن ارنايى اس جاساۋمەن قاتار ءىرى قارا تۇقىمدارىن اسىلداندىرۋمەن اينالىساتىن شارۋا قوجالىعىن كوردىك. قوجالىق امەريكادان الىپ كەلىنگەن اسىل تۇقىمدى ءىرى قارالاردى بۋدانداستىرىپ، جاڭا ەتتى ءىرى قارا ءتۇرىن شىعارۋمەن اينالىساتىن كورىنەدى.
ساپار بارىسىندا بىرنەشە كاسىپكەر، اياق كيىم سالاسىنىڭ ءوندىرۋشى فيرمالارىمەن كەزدەسۋگە بارعان بولاتىن. بۇل كەزدەسۋ بارىسىندا اياق كيىم ءوندىرۋ عانا ەمەس، ول ءۇشىن كەرەكتى قۇرال جابدىقتاردى شىعارۋشى كومپانيالارمەن دە كەزدەسىپ قايتتى.
سونىمەن قاتار اۋىل شارۋاشىلىق ونىمدەرىن وڭدەۋمەن اينالىساتىن كاسىپورىن بارلىق ءوندىرىس ۇدەرىسىن كورسەتىپ، قۇرال جابدىق تاڭداۋ ەرەكشەلىگى مەن جۇمىس جاساۋ ءادىسىن دە ءتۇسىندىرىپ بەردى. وڭتۇستىككە كەرەك اق شارۋا ەكەن.
شەت ەلدىك ساپارلاردىڭ كاسىپكەرلەرىمىزگە پايداسى ەڭ الدىمەن 1. تاجىريبە الماسۋ 2. جاڭاشىلدىق 3. پىكىرلەر 
جاڭا سالاعا باستايمىن دەگەندەرگە دە مامانداردىڭ كوپ جىلدىق تاجىريبەسىنەن شىققان ۇسىنىستارى پايدا بەرمەي قويماسى انىق. 
ءاربىر ساپار ىسكەر ادامعا ەڭ بولماعاندا ءوز كاسىبىنە دەگەن كوزقاراسىن جاڭارتىپ، جانداندىراتىنىنا سەنىمدىمىز.

وڭتۇستىك قازاقستان كاسىپكەرلەرى قاۋىمداستىعى