21-22 مامىر كۇندەرى الماتى قالاسى ءال-فارابي اتىنداعى قازاق ۇلتتىق ۋنيۆەريستەتىنىڭ سپورت كەشەنىندە قازاقستان رەسپۋبليكاسى تاۋەلسىزدىگىنىڭ 25 جىلدىعى، زۋقا باتىر ءCابيتۇلىنىڭ 150 جىلدىعىنا  aرنالعان «Eر جانىبەك كۋبوگى» ءۇشىن شاعىن فۋتبولدان حالىقارالىق تۋرنير وتەدى.   

زۋقا باتىر ءCابيتۇلى (1866-1929)  – حح عاسىردىڭ باسىندا شىنجاڭداعى قازاقتاردىڭ بايىرعى قونىسى التاي ايماعىنا قىتاي بيلىگى تاعايىنداعان (قوسىمشا قورعانىس ەلشىسى) ايماقتىق اكىمشىلىكتىڭ وزبىر باسشىلارىنا، حالىقتى قاناعان ۇلىقتاردىڭ زورلىق-زومبىلىقتارىنا قارسى شىعىپ، قىتايداعى قازاقتاردىڭ ۇلت-ازاتتىق كوتەرلىسىن باستاعان العاشقى باتىرلاردىڭ ءبىرى. 1929 جىلى كۇرەسكەر زۋاقا باتىردى قىتايدىڭ جازالاۋشى اسكەرلەرى قاپىدا ۇستاپ، قاستاندىقپەن ولتىرەدى. بىراق، زۋقا باتىر ەسىمى، ول باستاعان ۇلت-ازاتتىق كوتەرلىسىنىڭ رۋحى بۇگىنگى تاۋەلسىز ەلدىڭ ۇرپاقتارىنىڭ ماقتانىشىنا اينالىپ وتىر. 

شاعىن فۋتبولدان وتەتىن حالىقارالىق ءتۋرنيردىڭ ماقساتى –  ەل تاۋەلسىزدىگىنىڭ 25 جىلدىق مەرەيتويىن حالىقارالىق دەڭگەيدە اتاپ ءوتۋ، قازاق جاستارىن رۋحتى بولۋعا، وتان سۇيگىشتىككە، سپورتقا باۋلۋ. فۋتبول جارىسىنا فرانتسيا، تۇركيا، رەسەي، قىتاي، موڭعوليا، وزبەكستان، قىرعىزستان ەلدەرىندە تۇراتىن قازاق جاستارىنان قۇرالعان كوماندالار، سونداي-اق، الماتى، استانا قالالارىنان، ەلىمىزدىڭ 5 وبلىسىنان جاساقتالعان فۋتبول كوماندالارى باق سىنايدى. تۋرنيردە جالپى سانى 24 كوماندا قاتىسپاق.

ۇيىمداستىرۋشى: «Eر جانىبەك» حالىقارالىق قوعامدىق قورى

قولداۋشىلارى: الماتى قالاسىنىڭ اكىمدىگى، دۇنيەجۇزى قازاقتارى قاۋىمداستىعى، «نۇر وتان» پارتياسى، «جەزبۇيدا» جاستار قوعامدىق بىرلەستىگى، ءال-فارابي اتىنداعى قازۇۋ ۋنيۆەريستەتى.

وتەتىن ورىنى: ءال-فارابي اتىنداعى قازۇۋ ۋنيۆەريستەتىنىڭ سپورت كەشەنى. 

ءتۋرنيردىڭ اشىلۋ سالتاناتى: 21 مامىر ساعات 10: 00 دە.

ءتۋرنيردىڭ قورىتىندى ماراپاتتۋ سالتاناتى: 22 مامىر 17:00 دە.

بايلانىس: + 7701 111 33 26 مۇحامەتحان وماروۆ

                  + 7 707 533 48 88 تالاپبەك تىنىسبەك،

                  + 7702 566 00 10 جانىبەك عالىم