استانادا ءوتىپ جاتقان قازاقستاننىڭ ەۋرازيالىق بيزنەس قاۋىمداستىعىنىڭ اياسىندا قر ينۆەستيتسيالىق كليماتىن جاقسارتۋ ماقساتىندا دوڭگەلەك ۇستەل بارىسىندا  قر ينۆەستيتسيالار جəنە دامۋ ءمينيسترى اسەت يسەكەشوۆ «قازاقستان وڭتايلى ينۆەستيتسيالىق كليماتتى قۇرۋعا، قولداۋعا دايىن» ەكەنىن ايتتى. ءوز سوزىندە مينيستر: «ەلباسىمىز ن.نازارباەۆتىڭ بۇيرىعىمەن ينۆەستيتسيالىق شارالار ءۇشىن ينتەگراتسيالىق جۇيە قۇرىلدى. بۇل جۇيە ينۆەستورلار توبىمەن بىرلەسە جۇمىس اتقارۋدى قامتاماسىز ەتەدى. جۇيە ينۆەستورلاردىڭ بارلىق دەڭگەيىن (سىرتقى - ورتالىق - ايماقتىق) قولدايدى. 2016 جىلدان باستاپ قر ينۆەستيتسيالار جəنە دامۋ مينيسترلىگى ينۆەستورلار ءۇشىن One-Stop-Shop جۇيەسىنە ەندى. بۇل دەگەنىمىز - بارلىق ينۆەستورلار وزىنە قاجەتتى اقپارات، شەشىم، ليتسەنزيا، كوممۋنالدىق قىزمەتتىڭ بارلىعىن ءبىر جەردەن الاتىن بولادى. جىلدىڭ باسىنان بەرى One-Stop-Shop ارقىلى 500 ينۆەستورعا قىزمەت كورسەتىلدى» دەپ اتاپ ءوتتى.

سونداي-اق، ءمينيستردىڭ سوزىنشە، تاعى ءبىر ەڭ ماڭىزدى باعدارلاما -  ەلىمىزدىڭ ەكونوميكالىق دامۋىن ارتتىراتىن ينفراقۇرىلىم قۇرۋ. بۇل مەملەكەتتىك سەكتورلارعا دا، جەكە سەكتورلارعا دا وتە ءتيىمدى.

«جاڭا ينۆەستورلار تارتۋدىڭ ءبəرى ەلىمىزگە پايداسىن əكەلە بەرمەيدى» دەگەن اسەت يسەكەشوۆ سوندىقتان بۇرىننان بىرلەسىپ جۇمىس اتقارىپ جۇرگەن ينۆەستورلاردىڭ 60 پايىزىن قايتا جاڭعىرتقالى وتىرعاندارىن مالىمدەي كەلىپ: «قازاقستان وڭتايلى ينۆەستيتسيالىق كليماتتى قۇرۋعا، قولداۋعا دايىن. كەز كەلگەن باستامالارىڭىزدى قۋانا قارسى الامىز. ءƏربىر ينۆەستورلار ءبىز ءۇشىن قۇرمەتتى جəنە ولاردىڭ əرقايسىسىن ەلىمىزدەگى ينۆەستيتسيالىق قىزمەتتىڭ قاي دەڭگەيىندە بولسىن كورگىمىز كەلەتىنىن ايتقىم كەلەدى»، - دەپ ءسوزىن تۇيىندەدى.

اباي-اقپارات