جازۋشى بەيبiت سارىبايدىڭ بەكبولات تىلەۋحانوۆتىڭ "وتىرساق وپاق، تۇرساق سوپاق بولدىق" دەگەن سوزىنە بەرگەن پىكىر ءبىلدىءردى، دەپ حابارلايدى «baistars.kz» پورتالى.

"ابايدى اۋزىنان تاستاماي، اھىلاپ-ۇھىلەپ وتىراتىن، ۇلتىم دەگەندە ۇرىمدى تولعانتىپ، جۇرتىم دەگەندە قىرىمدى قوزعالتىپ جۇرەتىن دانىشپان كوكە، پەرزەنتى اناسىنىڭ ۇستىنە دارەت سىندىرا بەرەدى. ءسابي كەزىندە. ەمىزىپ وتىرعانىندا، جۇباتىپ جاتقانىندا ءسابي اناسىنىڭ ۇستىنە كاك دەپ قويادى. ويتكەنى ول ءسابي. اناسى ءۇشىن ودان اسقان باقىت بار ما؟ جوق. ويتكەنى ول ءوز ءسابيى. جەر – انا. قازاق – ءسابي. بالاسىنىڭ كاك دەگەنى انا ءۇشىن باقىت. بۇل تابيعي نارسە. «جەر اناڭ بولسا، ۇستىنە نەگە دارەتسىندىراسىڭ» دەگەنىڭىزگە ايتارىم وسى. ال، ەگەر ءبىر قازاق جەردى «ىستەپتى» دەگەندى ەستىەسەڭىز، جەر اناڭ بولسا «نەگە ىستەيسىڭ؟» دەسەڭىز كۇللى قازاق جەر بولار ەدى. ال، «جەر ىستەپتى» دەگەن قازاق جوق، جەر بەتىندە جوق.

دەمەك، كىم جەر بولدى؟ بىلمەيمىن. بەكبولات اعا، دانىشپاندىعىڭ وزىڭە. ەندى وسى از عانا قادىرىڭدى ساقتاپ قالشى. وتىنەم. قاليحان ىسقاقتىڭ «كەلمەس كۇندەرى ەلەسى» اتتى مەمۋارىنداعى ۇيعىر كەلىنشەكتىڭ تىلىمەن ايتساق، ونداي ءبىر ۋىس ءجۇن... تىم تومەندەمەيىك، تىم بيىكتەمەيىك. ەندىگارى وتىرماي-اق قويىڭىز، وپاق قىلمايىق. تۇرماي-اق تا قويىڭىز، سوپاق قىلمايىق. بەيمارال جاتا بەرىڭىز. قۇشاعىڭىزدا ماندات. سىزگە باسقا ەشتەڭە قالمادى."

Abai.kz