بيىل – الاشوردانىڭ نەگىزىن قالاۋشى، شىن مانىندەگى مەملەكەت جانە قوعام قايراتكەرى، ۇلتىن بار بولمىسىمەن سۇيگەن، ازاتتىق جولىندا ايانباي كۇرەسكەن، توتاليتارلىق جۇيەنىڭ قىسىمى مەن قىسپاعىنا، ازاپتاۋى مەن قۋعىنداۋىنا قاراماستان سوڭعى دەمى ۇزىلگەنشە الاش ءۇشىن ەڭبەك ەتكەن ءاليحان بوكەيحاننىڭ 150 جىلدىق مەرەيتويى.

ء«بىر تۇتاس الاش يدەياسىن» ۇسىنىپ، ۇلتىن رۋحاني كەمەلدەنۋگە، مادەني تۇلەۋگە، عىلىم-بىلىممەن سۋسىنداۋعا ۇندەگەن، سول جولدا الاش الدىنداعى ازاماتتىق پارىزىن ارتىعىمەن ورىنداعان بىرەگەي تۇلعانىڭ ءار جىلدارى ءارتۇرلى بۇركەنشىك اتپەن جازعان ساياسي-فيلوسوفيالىق، مادەني-اعارتۋشىلىق ماقالالارى، ۇندەۋلەرى، عىلىمي-تانىمدىق ەڭبەكتەرى ۇشان-تەڭىز.

سول ەڭبەكتەرىنە ۇڭىلسەڭىز، قاراشا حالىقتىڭ مۇڭ-مۇقتاجى مەن ارمان-تىلەگىن ارقالاپ، ەلدىك پەن تەڭدىككە قالاي جەتەمىز دەپ، بۇرىنعى بابالارىنشا ء«تۇن ۇيىقتاماي، كۇن وتىرماي» ەڭبەك ەتكەنىن، تەر توككەنىن كورەمىز. الەكەڭ وي تالقىسىنا سالعان، تەرەڭ تولعانىسپەن جازعان حح عاسىر باسىنداعى كۇرمەۋلى ماسەلەلەر ءالى دە وزەكتىلىگىن جويعان جوق.

رەسپۋبليكالىق «قالا مەن دالا» گازەتى ۇلت كوسەمى ءاليحان بوكەيحاننىڭ 150 جىلدىق مەرەيتويى مەن ەل تاۋەلسىزدىگىنىڭ 25 جىلدىعىنا وراي ء«اليحان بوكەيحان اتىنداعى سىيلىق» تاعايىنداپ وتىر.

سىيلىقتىڭ نەگىزگى ماقساتى: تاۋەلسىزدىكتى تۋ ەتكەن ەلدىڭ بۇگىنى مەن بولاشاعى تۋرالى ساياسي-الەۋمەتتىك جانە فيلوسوفيالىق تالداۋ جاساۋعا زيالى قاۋىم، عىلىمي ورتا مەن جۋرناليستەر توبىن جۇمىلدىرۋ; سول ارقىلى ەل مەن جەر، ۇلت پەن ۇجدان، ءتىل مەن ءدىل تاقىرىبىنداعى وتكىر دە وزەكتى ماقالالاردى وقىرمانعا ۇسىنىپ، قوعامدىق تالقىعا سالۋ; «كەشە كىم بولدىق؟ بۇگىن كىمبىز؟ ەرتەڭ كىم بولامىز؟!» دەگەن ەشقاشان ماڭىزىن جويمايتىن سۇراقتارعا جاۋاپ ىزدەپ، «الاش كوسەمى ارمانداعان ەل بولۋ ءۇشىن نە ىستەي الامىز؟» دەگەن وي توڭىرەگىندەگى تولعانىستاردى توپتاستىرىپ، ۇلتتىق يدەولوگيا مەن مەملەكەتتىك مۇددەنىڭ ورتاق ۇستانىمى نە بولماقتىعىن ايقىنداۋعا ات سالىسۋ!

قاتىسۋ شارتى: سىيلىققا عىلىمي-تانىمدىق نەگىزى مىعىم، اسىرەسە، جاڭاشا وي ساراپتاعان، ساياسي-فيلوسوفيالىق تۇجىرىمى باسىم پۋبليتسيستيكالىق ماقالالار ۇسىنىلادى. كوسەمسوز شەبەرلەرى مەن ءار سالانىڭ عالىمدارى قازاقستاننىڭ بۇگىنگى بەتالىسى تۋرالى وي تولعاۋلارى كەرەك. بايقاۋعا قاتىسۋشى ءوزىنىڭ قازاق ەلىنىڭ دامۋى مەن العا باسۋى ءۇشىن اسا وزەكتى دەپ تانىعان تاقىرىبىندا كومپيۋتەردە 7-9 بەت كولەمىنەن اسپايتىن ماقالاسىن (جەلىلەس تاقىرىپتا جازار بولسا، ماقالا سانىنا شەكتەۋ قويىلمايدى) ۇسىنا الادى.

ماقالا «قالا مەن دالا» گازەتىندە جانە www.dalanews.kz سايتىندا جاريالاناتىن بولادى.

سىيلىققا قازاقتىڭ جاڭا جىلى ءاز ناۋرىز مەرەكەسىنەن باستاپ (22 ناۋرىز 2016 ج.)  ۇستىمىزدەگى جىلدىڭ 20 قازانعا (10 تامىز، 2016 ج.) دەيىن ماقالالار قابىلدانادى.  (dalanews@mail.ruپوشتاسىنا جىبەرىلۋى كەرەك)

جۇلدەگەردى انىقتاۋ: جۇلدەگە ۇسىنىلعان ماقالالار ارنايى كوميسسيانىڭ شەشىمىمەن انىقتالادى.  ماقالانىڭ سايتقا جاريالانعان سوڭ كوپ قارالىپ، تالقىلانۋى دا ەسكەرىلەدى.

جۇلدە قورى: ۇلت كوسەمى ءاليحان بوكەيحان اتىنداعى سىيلىققا قوماقتى قارجىلاي سىيلىق تاعايىندالىپ وتىرعانىن ەسكەرتەمىز. ەگەر سىيلىققا تولىمدى ماقالالار تۇسەر بولسا، ءار تاقىرىپ بويىنشا بىرنەشە ادامعا جۇلدە تاپسىرىلادى. سونداي-اق، ءا. بوكەيحان مەدالىمەن جانە ارنايى ديپلوممەن ماراپاتتالادى.

سىيلىقتى تاپسىرۋ: ءاليحان بوكەيحان اتىنداعى سىيلىقتىڭ قورىتىنىدىسى ۇستىمىزدەگى جىلدىڭ 30 قازان كۇنى بەلگىلى بولادى. ماراپاتتاۋ راسىمىندە الاشتانۋشى عالىمدار مەن قوعام قايراتكەرلەرى قاتىسىپ، سىيلىق يەسىن قۇتتىقتايدى.

حابارلاسۋ تەلەفونى: 87770218991, 87013002096, 87078261401

ەلەكتروندى پوشتا: dalanews@mail.ru