ايەلدەر ءىسى جانە وتباسى جونىندەگى كوميتەت وكىلدەرىنىڭ سوزىنشە، بۇل كۋرستار قابىلەتتى قىزدار مەن ايەلدەر اراسىنان باسشىلىق كادرلاردى تاربيەلەۋ، ىرىكتەۋ جانە تاعايىنداۋ جونىندەگى مەملەكەتتىك باعدارلاما اياسىندا ءوتىپ جاتىر.

تالانتتى قىزدار اراسىنان باسقارۋشى ماماندار دايىنداۋ تۋرالى شەشىم تاجىك ايەلدەرىنىڭ قوعامداعى ءرولىن كۇشەيتۋگە باعىتتالعان مەملەكەتتىك باعدارلامانىڭ قابىلدانعانىنا 10 جىل تولۋىنا وراي قابىلدانعان.

قازىر تاجىكستان تۇرعىنىنىڭ 54% ايەلدەر بولسا دا، ايەلدەردىڭ مارتەبەسىن كوتەرۋ تۋرالى كوپتەگەن مەملەكەتتىك باعدارلاماعا قاراماستان، مەملەكەتتىك قىزمەتتەگى نازىك جاندىلاردىڭ ۇلەسى ەركەكتەردەن الدەقايدا تومەن. رەسمي دەرەك بويىنشا، تاجىك ۇكىمەتىندەگى باسقارۋشى لاۋازىمدى قىزمەت تۇرلەرىنىڭ 27% ايەلدەرگە تيەسىلى، الايدا ولاردىڭ كوپشىلىگى ادەتتە باستىق ەمەس، ورىنباسار دەڭگەيىندە بولادى.

اباي-اقپارات