تۇڭعىشباي جامانقۇلوۆ، قازاقستاننىڭ حالىق ءارتىسى:

– ەلباسىمىز تەك ەرتەگىدە عانا بولاتىن عاجايىپتاردى شىنايى ومىر­دە دە كورسەتە ءبىلدى. اينالدىرعان 25 جىل­دىڭ ىشىندە ەلىمىز زور تابىستارعا قول جەتكىزدى. تۇڭعىش پرەزيدەنتىمىزدىڭ «الدىمەن – ەكونوميكا، سودان كەيىن – ساياسات» دەگەن قاعيدانى باس­شى­لىققا الا وتىرىپ جۇمىس ىستەۋىنىڭ ناتي­جەسىن­دە ەلىمىزدىڭ ەكونوميكاسى جەدەل قار­قىن­مەن ءوستى. مەن نۇرسۇلتان نازار­باەۆ­تى مەملەكەتتىگىمىزدى ورناتىپ، ونى قا­لىپتاستىرىپ، ەكونوميكاسىن رەفور­ما­لاۋ ارقىلى ءوزىن دە، ەلىن دە الەمگە مويىندات­قان زاماننىڭ اسا دارىندى تۇلعاسى دەپ ەس­ەپتەيمىن. اۋمالى-توك­پەلى الماعايىپ زاماندا مىڭ ءولىپ، مىڭ تىرىلگەن قازاق ءۇش عا­سىر بويى ىزدەگەن مۇراتىنا دا، ارمانىنا دا نازارباەۆ تۇسىندا جەتتىك. بيلىك تىزگىنىن قولىنا ۇستاعان جىلدارداعى پرەزيدەنتى­مىز­دىڭ جارقىلداعان كەلبەتىن، بيىك بول­مىسىن، كەمەل دارىنىن، ەل باسشىسى رەتىن­دە كوسەمدىك قاسيەتتەرىن بۇگىنگى ۇرپاق جاق­سى بىلۋگە ءتيىس. ەلباسىمىزدىڭ ارقاسىن­دا ەلىمىزدە ىنتىماق پەن كەلىسىم ساقتا­لىپ، حالىقتىڭ بەرەكەسى ارتىپ كەلەدى.

ەسكەندىر حاسانعاليەۆ، كومپوزيتور، قازاقستاننىڭ حالىق ءارتىسى:

– نۇرسۇلتان نازارباەۆ – قاتقىل دا قا­را­پايىم، سۇڭعىلا دا كەمەڭگەر قاي­راتكەر. «قاتقىل» دەيتىنىم، قاتاڭ تالاپ قويا بىلەدى. «قاراپايىم» دەۋىم، كەز كەل­گەن ادامنىڭ كوڭىلىندەگىسىن ءدوپ باسا بىلەدى، وڭاي ءتىل تابىسا الادى. تا­ۋەل­سىز ەلى­مىزدىڭ بۇگىنگى جەتىس­تىكتەرگە جەتۋىنىڭ بارلىعى، ەڭ الدىمەن، ونىڭ ەرەن ەڭبە­گىنىڭ، ايرىقشا قامقورلى­عى­نىڭ ارقاسى دەسەك، ارتىق ايتقاندىق ەمەس. مەن پرەزي­دەنتى­مىزگە قازاقستاننىڭ رۋحاني-مادەني، جاسام­پاز­دىق الەۋە­تىن ودان ءارى نىعايتۋ جولىنداعى ولشەۋسىز ەڭ­بەگى، ونەر ادام­دارى مەن تالانتتارعا دە­گەن ەرەكشە ىقىلاسى ءۇشىن شەكسىز ال­عىسىم­دى بىلدىرەمىن.

اقجول مەيىربەكوۆ، ءانشى، قر ەڭبەك سىڭىرگەن ءارتىسى:

– ەلدىڭ دامۋىنا، حالىقتىڭ الەم ال­دىن­داعى بەدەلىنىڭ ارتۋىنا ەڭ ءبىرىن­شى تۇڭعىش پرەزيدەنتىمىزدىڭ قوسقان ۇلە­سى وراسان زور. حالىقتىڭ ءال-اۋقاتى­نىڭ كوتە­رىلۋى، جاعدايى­نىڭ جاقسارۋى، ونەر بول­سىن، سپورت بولسىن، ءتىپتى قاي سالا­دا بولما­سىن، ەلىمىزدىڭ مەرەيىنىڭ ۇستەم بولۋى – ەلباسى­نىڭ جەمىستى ەڭ­بە­گىنىڭ ناتيجەسى. شۇكىر، تالاي ناۋبەت كەش­كەن قازاقتىڭ ماڭ­دايىنا حالىقتىڭ باعىن اشار ەلباسى بۇ­يىر­دى. ونىڭ ەتكەن ەڭبەگىن، تاۋەلسىز مەم­لە­كەت قۇرۋ­دا­عى ءرولىن قازىر الەم مويىنداپ وتىر. نۇرسۇلتان نازارباەۆ تاۋەلسىز ەلىمىز­دىڭ ىرگەتاسىن قالاپ، كەرەگەسىن كەرىپ، ونىڭ ءاربىر ۋىعىن شانشىپ، شاڭىراعىن كو­تەر­گەن، بار-جوعىن تۇگەندەپ، ىرگەسىن كە­ڭەيت­كەن، ونى الەم ەلدەرى مويىنداعان مەم­لە­كەت­­كە اينالدىردى. سوندىقتان مەن ەلبا­سىن قازاقتىڭ باسىنا قونعان باقىتى دەپ ەسەپتەيمىن.

قىدىرالى بولمانوۆ، ءانشى، پروديۋسەر:

– قازىر كورشى ەلدەرمەن سالىستىر­سا­ڭىز، قازاق ەلىنىڭ جاعدايى قاي جاعى­نان الىپ قاراساڭىز دا كوشىلگەرى. قا­زاقستاندى الەم تانىدى. مۇنىڭ بارلى­عى – مەملەكەتى­مىزدىڭ دۇرىس ساياسات ۇس­تا­نىپ وتىرعانىنىڭ جەمىسى. قازاقستان ەكونوميكاسى قارىشتاپ وسە باستادى. ءوندىرىس وشاقتارىنىڭ تامىرىنا قان جۇگىردى. ءبىر كەزدەرى بەلەڭ العان جۇمىس­سىزدىق دەڭگەيى تومەندەدى. جالاقى، زەي­نەتاقى، الەۋمەتتىك تولەمدەر ءوستى. حالىققا ەڭ ءبىرىنشى نە كەرەك؟ ارينە، تىنىشتىق، جايلى ءومىر، تۇراقتى جۇمىس قاجەت. قازاقستاندا قازىر وسىنىڭ بار­لىعى بار. مۇنىڭ بارلىعى تۇڭعىش پرە­زي­دەنتىمىز نۇرسۇلتان ءابىشۇلى نا­زارباەۆتىڭ دۇرىس ساياسات جۇرگىزۋىنىڭ ارقاسى دەپ بىلە­مىن. سوندىقتان ءبىز مەم­لەكەت باسشىسىنا العىس ايتا وتى­رىپ، ءبارىمىز ء«بىر جاعادان – باس، ءبىر جەڭ­نەن قول شىعارىپ»، ول كىسىنىڭ ساياسا­تىن قولداۋىمىز كەرەك. ونەر ادامى رەتىندە مەن ول كىسىنىڭ ءان مەن جىرعا اۋەس­تىگىنە قاتتى ريزا بولامىن. ءتىپتى نۇر­اعاڭ قا­زاقتىڭ كوپتەگەن ءانىن جاتقا بىلەدى. ايتىپ قانا قويماي، ايتىلۋ ناقىشىنا دەيىن كا­سىبي مامانشا تۇزەپ وتىرعانىن كوردىم. سوندىقتان تۇڭعىش پرەزي­دەنت كۇنى قارسا­ڭىندا ەلبا­سى­مىزعا ۇزاق عۇمىر، مىقتى دەنساۋلىق، كوك تۋى­مىزدى بيىكتەرگە جەلبىرەتۋ جولىن­داعى ەڭبەگىنە تابىس تىلەيمىن. ەلباسىمىز­دىڭ ايقىنداپ بەرگەن باعىت-باعدار­لارىن باسشىلىققا الىپ، ەلىمىزدىڭ ەرتەڭى ەڭ­سەلەنە بەرۋى ءۇشىن ەڭبەكتەنە بەرەيىك!

دەرەككوزى: alashainasy.kz

Abai.kz