استانادا كەزەكتى ەۋرازيالىق مەديافورۋم ءوتىپ جاتىر
كوكەكتىڭ 20-نان 22-ءسى ارالىعىندا استانادا ءوتىپ جاتقان ەۋرازيالىق مەديافورۋمدا داريعا نازارباەۆا اكەسى، قازاقستان پرەزيدەنتى نۇرسۇلتان نازارباەۆتىڭ قۇتتىقتاۋ ءسوزىن وقىپ بەردى.
داريعا نازارباۆا فورۋمنىڭ ۇيىمداستىرۋ كوميتەتىنىڭ ءتورايىمى جانە پرەمەر-ءمينيستردىڭ ورىنباسارى بوپ تابىلادى. مەديافورۋمنىڭ مودەراتورى ريز حان قازاقستان پرەزيدەنتى جيىنعا قاتىسا الماسا دا، «بىزبەن بىرگە» دەپ مالىمدەدى. بيىلعى جيىننىڭ قۇرمەتتى قوناقتارىنىڭ ىشىندە اۋعانستاننىڭ بۇرىنعى پرەزيدەنتى حاميد كارزاي بار.
فورۋم اياسىندا 21 عاسىرداعى اقپاراتتىق سوعىستاردىڭ ەرەكشەلىگى، باق-تىڭ بەيبىتشىلىك ورناتۋ مەن قاقتىعىستار تۋدىرۋداعى ورنى، الەمدىك ەكونوميكانىڭ بۇگىنى مەن بولاشاعى، ەۋروپالىق وداقتىڭ كەلەشەگى، اۋعانستانداعى جاعداي سەكىلدى تاقىرىپتار ءسوز بولادى. فورۋم ءداستۇرلى تۇردە قازاقستانداعى ءسوز بوستاندىعىنىڭ جاعدايى سەكىلدى ماسەلەلەردى اينالىپ وتەدى.
ەۋرازيالىق مەديافورۋم قازاقستاندا 2002 جىلدان بەرى وتەدى. جىل سايىنعى كونفەرەنتسياعا «سامۇرىق-قازىنا» مەملەكەتتىك قورى دەمەۋشىلىك ەتەدى.
اباي-اقپارات
