وزبەكستاننان 15 تاجىك ازاماتى شىعارىلدى
بيىلعى جىلدىڭ العاشقى ءۇش ايىندا وزبەكستاننىڭ فەرعانا وبلىسىنان زاڭسىز كەلگەن 80 تمد ازاماتىن ەلدەن شىعارعان.
وسىلاي دەپ وزبەكستاننىڭ Sputnik پورتالى قۇقىق قورعاۋ ورگاندارىنىڭ دەرەككوزىنە سىلتەمە جاساپ، حابارلايدى.
حابارلامادا ەلدەن قۋىلعاننىڭ كوپ بولىگى قىرعىزستان (37) مەن تاجىكستان (15) ازاماتتارى ەكەنى ايتىلعان.
اكىمشىلىك ءتارتىپتى بۇزعاندىقتارى ءۇشىن ولاردىڭ بارىنە ايىپپۇل تولەتكىزگەن. دەرەككوزدىڭ مالىمەتىنشە، وزبەكستانعا كەلۋ ءتارتىبىن بۇزعان 97 ادامعا 41 ميلليون سۋمنان استام ايىپپۇل سالعان.
وزبەكستان مەن تاجىكستان 2000 جىلدىڭ باسىندا ۆيزالىق ءتارتىپ ورناتقان. بىراق شەكارا ماڭىنداعى تۇرعىندار كورشى ەلگە 5 كۇنگە دەيىن ۆيزاسىز جۇرە الادى.
اباي-اقپارات
