2016 جىلى، 20 ءساۋىر كۇنى، 19.00-دە «ادىرنا» ۇلتتىق-ەتنوگرافيالىق بىرلەستىگى» قوعامدىق قورى الماتىداعى ع.مۇسىرەپوۆ اتىنداعى بالالار مەن جاسوسپىرىمدەر تەاترىندا بالۋان شولاق بايمىرزاۇلىنىڭ جەكە شىعارماشىلىعىنان ء«ۇش جۇزگە اتىم ءمالىم بالۋان شولاق» اتتى ءان كەشىن وتكىزەدى.

«ادىرنا» ۇلتتىق-ەتنوگرافيالىق بىرلەستىگى» قوعامدىق قورى 2010 جىلدان بەرى ءداستۇرلى ءان-كۇي كەشتەرىن ۇيىمداستىرىپ كەلەدى. اتاپ ايتساق، ءبىرجان سال (2010), اقان سەرى (2010), مۇحيت (2011), ۇكىلى ىبىراي (2012), جاياۋ مۇسا (2013), ساكەن سەيفۋللين (2014) اندەرىنەن جەكە-جەكە كونتسەرتتەر، تاۋەلسىزدىك جولىندا قۇربان بولعان كومپوزيتورلار شىعارماشىلىعى بويىنشا «ازات رۋحتىڭ الداسپاندارى» (2012) كونتسەرتى، جىلقى تۋرالى اندەر مەن كۇيلەرگە نەگىزدەلگەن ء«دۇلدۇل ءان مەن پىراق كۇي» (2014) اتتى كونتسەرتىن ۇيىمداستىرعان ەدىك.

«ۇلى دالا داۋىلپازدارى» جوباسىنىڭ اياسىندا، «ادىرنا» ۇلتتىق-ەتنوگرافيالىق بىرلەستىگى» قوعامدىق قورى 2016 جىلى 20 ءساۋىر كۇنى الماتىداعى ع.مۇسىرەپوۆ اتىنداعى بالالار مەن جاسوسپىرىمدەر تەاترىندا بالۋان شولاق بايمىرزاۇلىنىڭ جەكە شىعارماشىلىعىنان ءداستۇرلى ءان كەشىن وتكىزۋدى جوسپارلاپ وتىر. كونتسەرتتە بالۋان شولاق ومىرىنەن قىسقاشا قويىلىم كورسەتىلەدى. ناقتىراق ايتساق، بەلگىلى رەجيسسەر ەسمۇقان وباەۆتىڭ «جاۋجۇرەك» سپەكتالىنەن ءۇزىندى بەرىلمەك. ساحنا كوركەم كوكشەتاۋدىڭ اسەم تابيعاتى ۇلگىسىندە بەزەندىرىلەدى. كونتسەرتتىڭ تاعى ءبىر باستى ەرەكشەلىگى – بالۋان شولاق بابامىزدىڭ مۇلدە بەيمالىم اندەرى تۇڭعىش رەت ۇلكەن ساحنادا ورىندالاتىن بولادى. ءان كەشىنە عالىم مۇحامەدين، جولامان قۇجيمانوۆ، رامازان ستامعازيەۆ، ەرلان تولەۋتاي، ەركىن شۇكىمانوۆ، تىلەۋلەس قۇرمانعاليەۆ، ەركىن نۇرحانوۆ، تالعات مۇقىشەۆ، سايان اقمولدا، نۇرگۇل اكىمقوجينا، ەرلان ىرىسقالي، تالعات ابۋعازى، «ارناۋ» فولكلورلىق ءانسامبلى، سايات نۇرعازين، جاسۇلان ساقاەۆ، باقتيار اقىمجانوۆ جانە تاعى باسقا ونەرپازدار قاتىسادى.

بيلەتتەر ع.مۇسىرەپوۆ بالالار مەن جاسوسپىرىمدەر تەاترىنىڭ كاسساسىندا ساتىلادى: 
271-42-37

Abai.kz