ۇقكشۇ باس حاتشىسى دۋشانبەگە كەلدى
تاجىكستاننىڭ قورعانىس مينيسترلىگىندەگى دەرەككوزدىڭ مالىمدەۋىنشە، 20 ساۋىرگە دەيىن سوزىلاتىن رەسمي ساپارىندا ۇقكشۇ باس حاتشىسى تاجىكستان باسشىلىعىمەن كەزدەسەدى جانە ۇقكشۇ-عا مۇشە ەلدەردىڭ قارۋلى كۇشتەرىنىڭ بارلاۋ اسكەرى مەن قۇرالدارىنىڭ ء«ىز كەسۋ-2016» وقۋ-جاتتىعۋلارىنىڭ اشىلۋىنا قاتىسادى.
وقۋ جاتتىعۋلارى 18-22 ءساۋىر ارالىعىندا تاجىكستان قارۋلى كۇشتەرىنىڭ «ماگوب» وقۋ ورتالىعىنىڭ پوليگونى مەن وسى ەلدەگى رەسەي اسكەرىنە تيەسىلى «لياۋر» سىناق الاڭىندا وتەدى.
ورتالىق ازيا جاڭالىقتار قىزمەتى وقۋ جاتتىعۋلارىنا رەسەي،قازاقستان، بەلارۋس، قىرعىزستان، ارمەنيا جانە تاجىكستان قارۋلى كۇشتەرىندەگى اسكەري، ارنايى، راديوەلەكتروندى، اۋە جانە وزگە دە بارلاۋ اسكەرىنىڭ باسقارمالارى مەن بولىمدەرىنەن 1500 اسكەري قىزمەتكەر قاتىساتىنىن حابارلايدى.
اسكەري شارا ۇقكشۇ-عا مۇشەەلدەردىڭ بىرىككەن اسكەرىندەگى بارلاۋ دەرەكتەرىن جيناۋ، تالداۋ جانە وڭدەۋ جۇيەسىن جەتىلدىرۋ ماقساتىندا وتكىزىلەدى.
اباي-اقپارات
