يسفار مەن باتكەندەگى سۋ شارۋاشىلىعى باسقارماسى "چيلگازي" كانالىنىڭ سۋىن ەكى ەلدىڭ شەكارا ايماعىنداعى اۋىلدارعا ءوزارا ءبولۋ جونىندە كەلىسىمگە كەلدى. ەندى سۋدىڭ 80 پايىزىن تاجىكستان پايدالانسا، قالعان 20 پايىزى قىرعىزستانعا تيەسىلى بولادى.

قازىر سۋدى ءبولىپ بەرۋگە جاۋاپكەرشىلىكتى كارابوگ قىرعىز اۋىلىنىڭ تۇرعىندارىنا جۇكتەگەن.

22 شاقىرىمعا سوزىلاتىن "چيلگازي" سۋلاندىرۋ كانالى يسفار وزەنىنەن باستاۋ الادى. ونىڭ كومەگىمەن شامامەن 400 گەكتار قىرعىز جەرى مەن 1000-نان استام لاككون جانە يسفار جاماعاتىنىڭ جەرىن سۋعارادى. كانال وتكەن عاسىردىڭ 50-جىلدارىندا سالىنعان.

شەكارانىڭ ەكى تارابىنىڭ حالقى ەندى سۋعا بايلانىستى تالاس وسىمەن اياقتالادى دەپ ۇمىتتەنەدى. يسفاردىڭ 80 مىڭ جانە باتكەننىڭ 7 مىڭ تۇرعىنى سۋدىڭ جەتىسپەۋىنەن كوپتەگەن جىلدار بويى اۋىل شارۋاشىلىعىنا جارامسىز بولىپ جاتقان جەرلەرىن باپتاي الادى.

اباي-اقپارات