استانادا باپاناسىز جۇرگەن دەپۋتات قاراقۇسوۆا حانىمنىڭ «مالىمدەمەسى» الەۋمەتتىك جەلىدە قىزۋ تالقىعا ءتۇستى. جەلىدە «جۇلدىز» بولعان دەپۋتات گۇلجان قاراعۇسوۆانىڭ ءومىرى تۋرالى ءبىرشاما دەرەكتەردى NUR.KZ پورتالى ۇسىنىپتى.

گۇلجان حانىم ءوزى پروفەسسور، ەكونوميكا عىلىمدارىنىڭ دوكتورى. پارلامەنت ءماجىلىسىنىڭ قارجى جانە بيۋدجەت كوميتەتىن باسقارادى.

«ۆيكيپەدياداعى» مالىمەتتەرگە سۇيەنسەك، دەپۋتات اپايدىڭ ۇلدارى - قاراقۇسوۆ فارحاد سەرگەيۇلى(1971), رومانوۆ رومان سەرگەيۇلى (1976 ); قىزى - قاراقۇسوۆا دانا سەرگەيقىزى (1984 ).

"مەنىڭ وتباسىم وتە قىزىق: مەن ارالاس نەكەدەن تۋعانمىن، بالالارىم دا ءار ۇلتتىڭ وكىلى. مۇسىلماندىق ورتادا ءوستىم. قىزىم دا ءوزىن مۇسىلمان سانايدى. بالالارعا مۇراعا قالدىراتىن باستى قۇندىلىق - ادال ەسىم دەپ ويلايمىن. اتا-انالارى جامان اتقا قالدىرعانى بالالارعا وتە اۋىر تيەدى. اتا-باباڭ كۇناعا باتسا، ول ءبۇتىن ۇرپاققا تاڭبا بولىپ قالادى... شىعىستا ۇرپاقتىڭ ابىرويىن بەكەردەن ءبىرىنشى ورىنعا قويماعان", - دەپتى گۇلجان قاراعۇسوۆا سۇحباتتارىنىڭ بىرىندە.

قاراعۇسوۆانىڭ ۇلكەن قىزى داننا ۇزاق ۋاقىت لوندوندا ءبىلىم العان، كەيىن First Media Group مەديحولدينگىسىنىڭ باسشىسى بەيبىت الىبەكوۆكە تۇرمىسقا شىعىپ، ورتاق وتباسىلىق بيزنەسپەن اينالىسادى.

وتباسىلىق ءومىرىن كوپكە جايا بەرمەيتىن گۇجان مەن داننا قاراعۇسوۆاعا قاراعاندا، بەيبىت الىبەكوۆ ءوز جارىمەن تۇسكەن فوتولارىن بەلسەندى تۇردە كوپشىلىككە جاريا ەتىپ وتىرادى.

بەيبىت قىمبات كولىكتەرى، تىكۇشاقتارى جانە جارىمەن ۆەناعا ساياحاتتاعان ساتتەرىنەن فوتولاردى الەۋمەتتىك جەلىدەگى پاراقشاعا ءجيى جۇكتەيدى.

ال داننا 2010 جىلى Bentley Continental كولىگىنىڭ يەسى رەتىندە مەملەكەتكە بەرەشەكتەر قاتارىنان تابىلىپ، باق نازارىنا امالسىز ىلىككەن ەدى.

"قىزىڭىز مەملەكەتكە سالىق تولەمەي كەلگەن كولىك يەلەرى تىزىمىندە جۇرگەنىن بىلەسىز بە؟" دەگەن "ۆرەميا" باسىلىمىء تىلشىسىنىڭ سۇراعىنا سول كەزدەرى دەپۋتات "جوق بىلمەيمىن، ول باياعىدا بۇل كولىكتى ساتىپ جىبەرگەن، كۇيەۋى تۋعان كۇنىنە سىيلاعان كەزدە مەن وعان بىردەن ساتىپ جىبەر دەپ ايتتىم" دەگەن جاۋاپ قايتارعان.

ايتا كەتسەك، استانادا قىزمەتتىك پاتەرلەرى بەرىلگەنشە ءۇيسىز-كۇيسىز جۇرگەن دەپۋتات حانىمنىڭ وتباسى وسى ۋاقىتتا مالديۆ ارالدارىنداعى دەمالىستان قايتقان ەكەن. مۇنى قازاقستانداعى "بەنتلي يەلەرى كلۋبىنىڭ" مۇشەسى بەيبىت الىبەكوۆتىڭ ينستاگرامداعى پاراقشاسىنان بايقاۋعا بولادى.

Today.kz سايتىنا بەرگەن سوڭعى سۇحباتىندا ماجىلىسكە قايتادان ورالعان دەپۋتات حانىم اشۋ ۇستىندە جۋرناليستەرگە ايتقان سوزدەرى ءۇشىن وكىنبەيتىنىن، تەك قىزۋقاندىلىققا بەكەر سالىنعانىن ايتتى.

سونداي-اق ەشقاشان دا "حالىققا قىزمەت ەتۋدى ەستەن شىعارعان ەمەسپىن" دەگەن قاراعۇسوۆا ينتەرنەت-پايدالانۋشىلار وزىمەن قاتار، وتباسىن دا "لايعا باتىرعانىنا" ۋايىمدايتىنىن ايتتى.

"بارىنەن بۇرىن بالا-شاعام ۋايىمداپ جاتىر. رەنجۋلى. ولار مەن شىن مانىسىندە قانداي ادام ەكەنىمدى جاقسى بىلەدى. ال مىنا جەردە (ينتەرنەتتە - اۆتور ەسكەرتپەسى) وتىرعان تۇسىنىكسىز ادامدارعا (سيدياششيە ي بەزليكيە) ءبىزدى سىناۋعا كىم قۇقىق بەردى؟!", - دەدى دەپۋتات سۇحباتىندا.

Abai.kz