سەنبى, 5 ءساۋىر 2025
جاڭالىقتار 4212 0 پىكىر 4 ءساۋىر, 2016 ساعات 14:40

رەسەيدىڭ قورعانىس مينيسترلىگىندەگى ءورت كەزىندە اسا ماڭىزدى قۇجاتتار ورتەنۋى مۇمكىن

قورعانىس ءمينيسترى سەرگەي شويگۋ جەكسەنبى كۇنى ورتەنگەن رەسەيدىڭ قورعانىس مينيسترلىگىنىڭ عيماراتىن "قىسقا مەرزىمدە قالپىنا كەلتىرۋدى" بۇيىردى. ءورت سوندىرۋگە 200 شاقتى ءورت ءسوندىرۋشى مەن قۇتقارۋشى قاتىسقان. زارداپ شەككەندەر تۋرالى مالىمەت جوق.


"فونتانكا" ينتەرنەت باسىلىمى وتقا ورانعان عيماراتتا بۇرىنعى قورعانىس ءمينيسترى اناتولي سەرديۋكوۆتىڭ كەزىندە ەۆگەنيا ۆاسيلەۆا باسقارعان دەپارتامەنتتىڭ مۇراعاتى بولعانىن حابارلايدى. ۆاسيلەۆا اسا ءىرى كولەمدە الاياقتىق جاسادى دەگەن ايىپپەن بەس جىلعا سوتتالعان ەدى. سوت ۇكىمىندە 2010 جىلى دەپارتامەنت باستىعى قىزمەتىنە وتىرعان ۆاسيلەۆانىڭ بيۋدجەت اقشاسىن جىمقىرۋ ءتاسىلىن جاساعانى تۋرالى جازىلعان. تامىز ايىندا ونى شارتتى مەرزىمگە بوساتۋ تۋرالى شەشىم شىققان.

قىلمىستىق ءىس پەن ونىڭ سوڭى قوعامنىڭ نازارىن اۋداردى. ادام قۇقىعى جونىندەگى ۋاكىل ەللا پامفيلوۆا (قازىر ورتالىق سايلاۋ كوميسسياسىنىڭ ءتورايىمى) پرەزيدەنت ۆلاديمير پۋتيننەن ء"ىستى قاراۋدى" سۇرايتىنىن جاريا ەتكەن. پامفيلوۆا ۆاسيلەۆا مەن ونىڭ سىبايلاستارىنىڭ ىسىمەن اينالىسقان لاۋازىمدى تۇلعالار مەن قۇزىرلى ورىنداردىڭ اقىر اياعىندا كىنالىلەردىڭ جاۋاپكەرشىلىكتەن قۇتىلىپ كەتۋىنە جول بەرگەنىن ايتقان ەدى.

Abai.kz 

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1468
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4191
46 - ءسوز

بىزگە بەيمالىم باراق حان

جامبىل ارتىقباەۆ 3078