بۇۇ باسقارماسىنىڭ مالىمەتتەرىنە سايكەس، تاۋلى قاراباقتاعى اتىستاردان 33 ادام قازا تاپتى جانە 200 ادام جاراقات الدى، - دەپ حابارلايدى kaz.tengrinews.kz سايتى Trend.az باسىلىمىنا سىلتەمە جاساپ.

ء"ازىربايجان مەن ارمەنيانىڭ رەسمي دەرەككوزىنە سايكەس، كەم دەگەندە 30 سارباز جانە ءۇش بەيبىت تۇرعىن قارۋلى قاقتىعىستاردان قازا بولعان. ال زارداپ شەككەندەردىڭ ناقتى سانى ازىرششە راستالمادى. بەيرەسمي دەرەككوزدەرگە قاراعاندا، 200 ادام جاراقات العان", - دەلىنگەن بۇۇ ەسەبىندە.

ايتا كەتەيىك، 1 ساۋىردەن باستاپ قاراباق قاقتىعىسىنىڭ ايماعىندا اتىستار باستالعان ەدى. ءازىربايجان مەن ارمەنيا ءبىر-ءبىرىن تاتۋ ءبىتىمدى بۇزدى دەپ ايىپتادى.

قازاقستان ءسىم تاۋلى كاراباق اۋماعىنداعى جاعدايعا قاتىستى مالىمدەمە جاسان بولاتىن. "قازاقستان رەسپۋبليكاسىنىڭ سىرتقى ىستەر مينيسترلىگى تاۋلى كاراباققا قاتىستى جاعدايدى مۇقيات باقىلاۋدا. جانجال اۋماعىندا وق اتۋدى توقتاتۋ ءتارتىبىنىڭ بۇزىلۋىنا جانە ادامداردىڭ قازا بولۋىنا قاتتى الاڭداۋشىلىق بىلدىرەمىز. تاراپتاردى ۇستامدىلىق تانىتۋعا جانە وق اتۋدى توقتاتۋ تۋرالى ۋاعدالاستىقتاردى قاتاڭ ۇستانۋعا شاقىرامىز", - دەلىنگەن مينيسترلىك وكىلدەرىنىڭ مالىمدەمەسىندە.

اباي-اقپارات