تەراكت دايىنداعاندار ۇستالدى
قىرعىزستان مەملەكەتتىك ۇلتتىق قاۋىپسىزدىك كوميتەتى لاڭكەستىك شابۋىلدار دايىنداعان تەررورلىق توپتىڭ مۇشەلەرى دەپ كۇدىكتەلگەن ازاماتتاردى ۇستاعانىن حابارلادى.
مۇقك ءباسپاسوز قىزمەتى تاراتقان مالىمدەمەدە تەررورعا قارسى شارا بارىسىندا جەتى ادامنىڭ تۇتقىندالعانى تۋرالى جازىلعان. ولاردىڭ قاشان جانە قالاي ۇستالعانى ايتىلمايدى.
مۇقك قاماۋعا الىنعاندار لاڭكەستىك ۇيىمدارعا ادام تارتۋمەن، تاياۋ شىعىستاعى سوعىس وشاقتارىنا ەرىكتىلەردى جەتكىزۋ ارنالارىن قالىپتاستىرۋمەن جانە قىرعىزستاندا لاڭكەستىك شابۋىلدار جاساۋدى ۇيىمداستىرۋمەن اينالىستى دەپ سانايدى.
بۇعان دەيىن قىرعىز بيلىگى 500-گە تارتا ەل ازاماتىنىڭ، ونىڭ ىشىندە ءجۇز قارالى ايەلدىڭ "يسلام مەملەكەتى" سەكىلدى لاڭكەستىك ۇيىمدارعا قوسىلۋ ءۇشىن سيريا مەن يراكقا كەتكەنى تۋرالى حابارلاعان ەدى.
اباي-اقپارات
