«كارىم قاجىمقانۇلى ءماسىموۆ ءتورتىنشى رەت قر ۇكىمەت باسشىسى بولىپ تاعايىندالدى»، — دەپ حابارلايدى اباي-اقپارات. تاڭداۋ قۇقىعى بولعان 107 دەپۋتاتتىڭ 96-سى قولداپ، 4-ءى قارسى شىقتى. ال، قالعان 7-ءى قالىس قالدى.

ول — 2014 جىلدىڭ 7 ساۋىرىنەن باستاپ قر ۇكىمەتى باسشىسى، قازاقستان رەسپۋبليكاسىنىڭ پرەمەر-ءمينيسترى (2007-2012), مەملەكەت قايراتكەرى. ماماندىعى بويىنشا قارجىگەر، زاڭگەر، قىتايتانۋشى، ەكونوميكا عىلىمدارىنىڭ دوكتورى.

كارىم قاجىمقانۇلى ءماسىموۆ — 1965 جىلى ماۋسىمنىڭ 15 كۇنى قازاقستاننىڭ تسەلينوگراد قالاسىندا دۇنيەگە كەلگەن. اكەسى — قاجىمقان قاسىمۇلى ءماسىموۆ. اناسى — ەلەونورا (اجيبەكوۆا) كارىمقىزى ءماسىموۆا.

ءبىلىمى:

• 1982 جىلى الماتى قالاسىنداعى رەسپۋبليكالىق فيزيكا-ماتەماتيكا مەكتەبىن ۇزدىك ءبىتىردى.
• 1985 جىلى ماسكەۋ قالاسىنداعى پ.لۋمۋمبا اتىنداعى حالىقتار دوستىعى ۋنيۆەرسيتەتىندە اراب فيلولوگياسى بويىنشا ءبىلىم الدى.
• 1988 جىلى پەكيندەگى ءتىل ءبىلىمى ينستيتۋتىندا وقىعان. 1991 جىلى قىتايداعى ۋحان زاڭ ۋنيۆەرسيتەتىن، 1995 جىلى قازاق مەملەكەتتىك باسقارۋ اكادەمياسىن بىتىرگەن.
• 1999 جىلى كولۋمبيا ۋنيۆەرسيتەتىندە (نيۋ-يورك) توپ-مەنەدجەرلەر دايارلاۋ باعدارلاماسىنان وتكەن.
• ورىس، قازاق، اعىلشىن، قىتاي، اراب تىلدەرىن مەڭگەرگەن.

قىزمەت جولى:

• 1991 جىلى — قىتاي حالىق رەسپۋبليكاسىنداعى كسرو ساۋدا وكىلدىگىنىڭ قۇقىقتىق ماسەلەلەر بويىنشا كەڭەسشى.
• 1991 جىلى قر ەڭبەك مينيسترلىگىندە سىرتقى ەكونوميكالىق بايلانىس ءبولىمىنىڭ باستىعى، باس ەكونوميست.
• 1992 جىلى «قازاقپريگرانتورگ» فيرماسىنىڭ باسشىسى، ءۇرىمشى (قىتاي) قالاسىنداعى «قازاقينتورگ» وكىلدىگىندە جەتەكشى مامان، ديرەكتور ورىنباسارى.
• 1993 جىلى «اكتسەپت» جشس باسشىسىنىڭ ىشكى ەكونوميكالىق ماسەلەلەر جونىندەگى ديرەكتور ورىنباسارى قىزمەتىن اتقارادى.
• 1994 جىلى گونكونگ قالاسىنداعى قازاق ساۋدا ءۇيىنىڭ باسقارۋشى ديرەكتورى.
• 1995 جىلى «الماتى ساۋدا-فينانس بانكى» جاق باسقارماسىنىڭ باستىعى،
• 1996 جىلدىڭ قىركۇيەك ايىنان «تۇرانالەمبانك» باسقارماسى باستىعىنىڭ مىندەتىن ورىنداۋشى،
• 1997 جىلدىڭ تامىز ايىنان باستاپ «قازاقستان حالىق جيناق بانكى» ااق باسقارماسى باستىعىنىڭ 1-ورىنباسارى، قىركۇيەك ايىنان باستاپ باستىعى،
• 2000 جىلدىڭ تامىز ايىنان قر ترانسپورت جانە كوممۋنيكاتسيا ءمينيسترى،
• 2001 جىلدىڭ قاراشاسىنان قر پرەمەر-ءمينيسترىنىڭ ورىنباسارى،
• 2002 جىلدىڭ شىلدەسىنەن قر پرەزيدەنتىنىڭ كومەكشىسى،
• 2006 – 07 جىلدارى قر پرەمەر-ءمينيسترىنىڭ ورىنباسارى قىزمەتتەرىن اتقارعان.
• 2007 ج. قانتاردىڭ 10-ىندا قازاقستان رەسپۋبليكاسىنىڭ پرەزيدەنتى جارلىعىمەنەن قازاقستان پرەمەر-ءمينيسترى بولىپ تاعايىندالادى.
• 2011 جىلدىڭ 2 قاراشاسىندا كارىم ءماسىموۆ «قازاقشا ۋيكيپەديا» جوباسىن ءوز قامقورلىعىنا الاتىنىن حابارلادى.
• 2012 جىلدىڭ 24 قىركۇيەك كۇنى كارىم ءماسىموۆ ۇكىمەت باسشىسى رەتىندە جۇمىستان كەتەتىندىگى تۋرالى ارىزىن بەردى. پرەزيدەنت ن.نازارباەۆ ءوتىنىشتى قابىلدادى . سول كۇنى م.ءماسىموۆ پرەزيدەنت اكىمشىلىگىنىڭ باسشىسى رەتىندە تاعايىندالدى.
• 2014 جىلدىڭ 7 ساۋىرىنەن قازاقستان رەسپۋبليكاسىنىڭ پرەزيدەنتى جارلىعىمەنەن قازاقستان پرەمەر-ءمينيسترى بولىپ تاعايىندالادى.

Abai.kz