تالعات ەرمەگياەۆ سوت الدىنا كەلدى، - دەپ حابارلايدى Tengrinews.kzءتىلشىسى سوت زالىنان. قىلمىستىق ىستەر جونىندەگى مامانداندىرىلعان اۋدانارالىق سوتىندا "استانا ەكسپو - 2017" ۇلتتىق كومپانياسىنىڭ بۇرىنعى توراعاسىنا قاتىستى سوت باستالدى.

بۇگىن الدىن الا سوت تىڭداۋى ءوتىپ جاتىر، مۇندا سۋديا پروتسەسسكە قاتىسۋشىلارمەن تانىسىپ جاتىر، تالاپتاردى ناقتىلاپ، جاعداي جايلى پىكىر قالىپتاستىرىپ، سونىمەن قاتار ءىس بويىنشا باستى سوت تىڭداۋىنىڭ مەرزىمىن بەلگىلەيدى. ءىستى قىلمىستىق ىستەر جونىندەگى اۋدانارالىق مامانداندىرىلعان سوتتىڭ توراعاسى ءادىلحان شايحيسلاموۆ قارايدى. 

تالعات ەرمەگياەۆ سوتقا ارنايى بولىمشەلەردىڭ قىزمەتكەرلەرىنىڭ جەتەكشىلىگىمەن كەلدى. سوت زالىندا ول وتىرىسقا كەلگەن تانىستارىمەن امانداسىپ، ءىستىڭ باسقا فيگۋرانتتارى وتىرعان ورىنعا كەلىپ وتىردى. ولاردىڭ ىشىندە قاجىمۇرات ۇسەنوۆ - "استانا ەكسپو - 2017" ۇلتتىق كومپانياسىنىڭ قۇرىلىس دەپارتامەنتىنىڭ بۇرىنعى جەتەكشىسى بار. ايتا كەتەيىك، ستولدا ۇيقاماقتاعى سوتتالۋشىلار وتىر. سوتتالۋشى ورنىندا - جەتى ادام، ولاردى سوتقا قاراۋىلدىڭ جەتەكشىلىگىمەن الىپ كىردى. سونىمەن قاتار، تاعى ءبىر جاقتا كەپىل ارقىلى بوساتىلعان سوتتالۋشىلار بولەك وتىر. ايتا كەتەيىك، اتىشۋلى ءىس بويىنشا سوت تىڭداۋى ۇلكەن زالدا ءوتىپ جاتىر.

ءىس سوتقا بيىل 9 ناۋرىزدا تۇسكەن ەدى. فيگۋرانتتار 500 تومنان اساتىن ءىس ماتەريالدارىمەن جارتى جىل بويى تانىستى. تالعات ەرمەگياەۆكە ايىپ وتكەن جىلدىڭ ماۋسىمىندا تاعىلعان ەدى. سول ۋاقىتتا ول ءۇي قاماۋىنا الىندى.

اباي-اقپارات