ءنۇرالي اليەۆ قىزمەتتەن كەتتى
ءنۇرالي اليەۆ استانا قالاسى اكىمىنىڭ ورىنباسارى قىزمەتىنەن كەتتى. «مەن ءوزىمدى كوپ جىلدار بيزنەسكە ارنادىم. قارجى ءىسىنىڭ قىر-سىرىن مەڭگەرىپ، كومپانيانى ودان ءارى دامىتقىم كەلەدى. بۇل مەنىڭ جاقسى كورەتىن ءىسىم. سوندىقتان قىزمەتتەن كەتتىم». قىزمەتتەن كەتۋىن اليەۆ وسىلاي ءتۇسىندىرىپتى.
انىقتاما
اليەۆ ءنۇرالى راحاتۇلى
1985 جىلعى 1 قاڭتاردا تۋعان.
ءبىلىمى:
اباي اتىنداعى قازاق ۇلتتىق پەداگوگيكالىق ۋنيۆەرسيتەتى – ەكونوميكا جانە قارجى باكالاۆرى;
پەپپەردين ۋنيۆەرسيتەتى – بيزنەس-اكىمشىلەندىرۋ باكالاۆرى;
يمادەك ۋنيۆەرسيتەتى – بيزنەس-اكىمشىلەندىرۋ ماگيسترى.
ەڭبەك جولى:
2003 - 2004 جج. – «قانت ورتالىعى» اق حالىقارالىق ءبولىمى;
2004 - 2006 جج. – «قانت ورتالىعى» اق پرەزيدەنتى;
2006 ج. – “Capital Holding” كومپانيالار توبى ديرەكتورلار كەڭەسىنىڭ توراعاسى;
2006 - 2007 ج.ج. – «نۇربانك» اق باسقارما توراعاسىنىڭ ءبىرىنشى ورىنباسارى;
2007 ج. قازان - 2010 جج. – «نۇربانك» اق ديرەكتورلار كەڭەسىنىڭ توراعاسى;
2008 ج. جەلتوقسان - 2013 جج. – «قازاقستاننىڭ دامۋ بانكى» اق باسقارما توراعاسىنىڭ ورىنباسارى;
2013 ج. 26 قاراشادان باستاپ – "ترانستەلەكوم" اق باسقارما توراعاسى;
2014 ج. 19 جەلتوقساننان باستاپ استانا قالاسى اكىمىنىڭ ورىنباسارى.
بيزنەس انىقتاما
ءنۇرالي اليەۆ – 31 جاستا. بايلىعى: $200 ميلليون. قارجى كوزى: قارجى، تەلەكوم، مەديا. 23 جاسىندا قازاقستاننىڭ دامۋ بانكىنىڭ ۆيتسە-پرەزيدەنتتىگىنە تاعايىندالعان داريعا نازارباەۆا مەن راحات اليەۆتىڭ تۇڭعىشتارى - ءنۇرالي «سAPITAL HOLDING» اق، «راديو سيتي» جشس (Hit FM), «دوناتەللو» قوناقۇيى مەن اناسى باسقاراتىن «الما-تۆ» اق-نىڭ 20 پايىز، «نتك» اق-نىڭ 20 پايىز، «تەلەكرونا» كومپانياسىنىڭ 50 پايىز اكتسياسىنا يەلىك ەتەدى. Forbes تىزىمىندە ەلدەگى ەڭ باي ەلۋ ادامنىڭ ىشىندە 32-ورىندا تۇر.
Abai.kz
