اقش سەناتى رەسەي، قىتاي جانە وزگە ەلدەردىڭ تاراتاتىن جالعان مالىمەتىنە قارسى كۇرەسۋگە نەگىزدەلگەن جاڭا زاڭ جوباسىن تالقىلايدى. "2016 جىلداعى اقپاراتتىق سوعىسقا قارسى تۇرۋ جونىندەگى" زاڭ جوباسى شەتەلدەردىڭ جالعان حابار تاراتۋمەن اينالىساتىن ارنايى كامپانياعا توتەپ بەرۋ ۇندەۋى نەگىزىندە قاراستىرىلىپ جاتىر.

اتاپ ايتقاندا رەسەي ءوزىنىڭ ۋكرايناداعى ارەكەتى مەن ەۋرووداق، ناتو-مەن قارىم-قاتىناسىن باق-تا قالايشا كورسەتىپ وتىرعانى امەريكالىق ساياساتكەرلەر مەن زاڭ شىعارۋشىلاردى الاڭداتىپ وتىر.

ەۋرووداق سىرتقى باق-تىڭ ىقپالىنا قارسى تۇراتىن، اتاپ ايتقاندا كرەمل قارجىلاندىراتىن RT جانە سپۋتنيك سەكىلدى قىزمەتتەرگە دەر كەزىندە جاۋاپ بەرەتىن ارنايى ەۋروپالىق قىزمەتىن قۇردى. ناتو بولسا لاتۆيادان ستراتەگيالىق كوممۋنيكاتسيا ورتالىعىن اشتى.

زاڭ جوباسىن رەسپۋبليكالىق سەناتور روب پورتمان مەن دەموكرات سەناتور كريس مەرفي ۇسىنىپ وتىر.