بۇل جونىندە "ينتەرفاكس" اقش-تىڭ ماسكەۋدەگى ەلشىسىنىڭ ءباسپاسوز حاتشىسى ۋيلل ستيۆەنسكە سىلتەمە جاساپ حابارلايدى. "وبام ءپۋتيندى مينسك كەلىسىمىنە سايكەس، ساۆچەنكونى جانە وزگە دە زاڭسىز ۇستالعانداردى بوساتۋعا شاقىردى", – دەپ اگەنتتىك امەريكالىق ديپلوماتتىڭ سوزدەرىنە سىلتەمە جاسايدى.

اڭگىمە 14 ناۋرىزدا ورىن العان ەكى ەل باسشىلارىنىڭ تەلەفون ارقىلى سويلەسۋلەرى جايىندا بولىپ وتىر. وسى كۇنى پۋتين سيرياداعى اسكەرىنىڭ جارتىسىن شىعاراتىنىن جاريالاعان ەدى.

21-22 ناۋرىزدا رەسەيدىڭ روستوۆ وبلىسى، دونەتسك قالالىق سوتى رەسەيلىك جۋرناليستەردى ءولتىردى دەپ ايىپتالىپ وتىرعان ۋكراينالىق ۇشقىش نادەجدا ساۆچەنكوعا قاتىستى ۇكىم شىعارادى. ول كىناسىن مويىندامايدى. مەملەكەتتىك ايىپتاۋشى ساۆچەنكونى 23 جىلعا تۇرمە جازاسىنا كەسۋدى سۇرادى. ال قورعاۋشى تاراپ ونىڭ تولىقتاي اقتالۋىن تالاپ ەتەدى. بۇل كۇندەرى ۋكراينا، رەسەي مەن الەمنىڭ وزگە ەلدەرىندە ساۆچەنكونى بوساتۋدى تالاپ ەتكەن بەيبىت اكتسيالار ءوتىپ جاتىر.

اباي-اقپارات