كەشە:
- ۋا، كىمسىز؟
- ىبىرايمىز.
- جايمىسىز؟
- جايمىز.
- ۋا، قايدان كەلەسىز؟
- سايلاۋدان كەلەمىز.
ەلگە ويران ساپ
ويناۋدان كەلەمىز.
توسكە تاققان شەنىمىز بار،
پاتشاعا جاققان ەبىمىز بار،
قۇدايعا شۇكىر،
قويدان جۋاس،
موماقان عانا ەلىمىز بار.
ءبىز باي،
ءبىز قۇداي!
كۇش سىناسسا،
جىم بولادى.
كىم كەلەدى سايما-ساي!
بۇگىن:
- ۋا، كىمسىڭ؟
- ىبىرايمىن.
- جايمىسىڭ؟
- جايمىن.
- قايدان كەلەسىڭ؟
- سوتتان كەلەمىن.
سوتتان ەمەس –اۋ، وتتان كەلەمىن.
- ءبىلدىڭ بە؟
- ءبىلدىم عوي.
- قالاي ەكەن؟
- ارىز بەرگەن مالاي ەكەن.
- سولاي ما ەكەن؟
- سولاي ەكەن!
- نە دەيدى؟
- اقى سۇرايدى.
- قانشا؟
- ون مىڭ سوم.
- ون مىڭ سوم؟
نەڭ قالادى؟
- نەم قالسىن:
قاتىن قالاد،
مەن قالام.
- شەنىڭ قايدا؟
- توزعان.
- ەلىڭ قايدا؟
- كۇنى وزعان.
- ەندى نە ەتپەكسىڭ؟
- بىتەم!
- بىتسەڭ، ءبىت، مەن دە سونىڭدى كۇتەم.

بەيىمبەت مايلين

Abai.kz