مەملەكەتتىڭ ميللياردتارىن جىمقىردى دەپ ايىپتالعان تاعى ءبىر لاۋازىمدى شەنەۋنىك - تالعات ەرمەگياەۆتىڭ سوتى وتەتىن كۇن بەلگىلى بولدى، - دەپ حابارلايدى كتك ارناسى. «ەكسپونىڭ» ەكس-توراعاسى الداعى جۇما كۇنى، ياعني ناۋرىزدىڭ 18-ىندە سوت الدىندا جاۋاپ بەرەدى. كۇللى ەلدىڭ نازارى اۋعان پروتسەسستە ميللياردتار اينالعان ۇلتتىق كومپانياداعى ءبىراز بىلىقتىڭ بەتى اشىلاتىن ءتۇرى بار.

بىلتىر ماۋسىم ايىنان بەرى ەسىلدىڭ سول جاعالاۋىنداعى پەنتحاۋستا ءۇي قاماقتا وتىرعان ەرمەگياەۆقا تاعىلعان ايىپتىڭ اۋقىمدىلىعى سونشا، قىلمىستىق ىسپەن تانىسعا 8 اي ۋاقىت كەتكەن. وعان حالىقارالىق كورمە قۇرىلىسىنا بولىنگەن 4 ميلليارد 200 ميلليون تەڭگەنى ۇرلادى دەگەن ايىپ تاعىلىپ وتىر. تەرگەۋ ماتەريالدارىنا قاراعاندا «استانا ەكسپو-2017»  ۇلتتىق كومپانياسىنىڭ بۇرىنعى توراعاسى تالعات ەرمەگياەۆ ءوزىنىڭ كەڭەسشىسى قاجىمۇرات ۇسەنوۆ جانە باسقارۋشى ديرەكتور سۋلامبەك باركينحوەۆپەن بىرىگىپ، اقشا جىمقىرعان. توپ-مەنەدجەرلەر قازىنا اقشاسىن وزدەرىنە تيەسىلى كومپانيالاردىڭ ەسەپشوتىنا اۋدارىپ، قولما-قول شەشىپ الىپ وتىرىپتى. ەرمەگياەۆپەن اۋىز جالاسقان بۇل ەكەۋدىڭ دە ىستەرى سوتقا جەتتى. بىراق ميللياردتتاپ اقشا جەدى دەپ كۇدىككە ىلىنگەندەردىڭ بىردە-ءبىرى كىناسىن مويىنداپ وتىرعان جوق. 

اباي-اقپارات