جاقىندا قازاقستاندىق ءانشى ءام ءارتىس مەرۋەرت حانىم تۇسىپباەۆ تەلەارنالاردىڭ بىرىنە ەرەكشە سۇحبات بەردى. تۋراسىن ايتىپ تۋعانىنا جاقپاي قالعان تۇسىپباەۆانىوسى سۇحباتىنان كەيىن  الەۋمەتتىك جەلى قولدانۋشىلارى اشىق سىناپ، اعاش اتقا تەرىس مىنگىزىپ جىبەرگەن-ءتىن،-دەپ جازادى «Stan.kz» سايتى.

ءانشى وندا  جەلىدە ءوزىن بالاعاتتاعان قىزدىڭ اياعىنا جىعىلىپ، كەشىرىم سۇراعانى جايلى ايتقان بولاتىن. ودان قالسا كوڭىل-كۇيى بولماعان كەزدە، ءتىپتى جۇرتپەن امانداسپايتىن مىنەزى بارىن جەتكىزگەن ەدى. وسىدان كەيىن حالىق ءانشىنى بىردەن سىناپ، قىلىعىنا قاراپ ونى سىيلاۋدان قالعاندارى جايلى جارىسا جازعان بولاتىن.

تۇسىپباەۆا حانىم الەۋمەتتىك جەلى قولدانۋشىلارىنىڭ نارازىلىعىنا جاۋاپ بەرىپتى.

«ارتىستەردى  سىناپ-مىنەيتىن ەركەكتەرگە ايتارىم شالبارىن شەشىپ، كويلەك كيسىن. بولماسا دالاعا شىعىپ اعاش وتىرعىزىپ، ءۇي سالسىن… ال ءتىلىن سۇرەڭدەتىپ، قولىنان ەركەكتەر سياقتى ءىس كەلمەيتىن نازىك جاندىلار دا بار. تەك قانا توسەنىشكە اينالعاندار عانا كومپيۋتەردىڭ الدىنا وتىرىپ الىپ، وسەك ايتادى. ايەلدەرگە ايتارىم قۇر جاتپاي،تىم قۇرىسا سپورتپەن اينالىسىڭىز! مەن-جەكە تۇلعامىن! سىزدەرگە ۇنايمىن با، جوق پا، تۇكىرگەنىم بار. باستىسى وتباسىم مەن ءوزىمدى وسى ماماندىعىمنىڭ ارقاسىندا اسىراپ وتىرمىن. مەن ءوز تالانتىمدى ماقتان تۇتامىن. وسىنىڭ ارقاسىندا اقشا تاۋىپ، راحاتتانىپ ءومىر سۇرۋدەمىن! ارينە سىزدەردىڭ اراڭىزداعى كەيبىرەۋلەرگە قاراعاندا. ءىشىڭىز تارىلماسىن،سىناماڭىز! وداندا ايناعا قاراپ ءوزىڭىزدىڭ كىم ەكەنىڭىزدى كورىڭىز، اينا ءسىزدى الدامايدى!»،-دەپ جازىپتى مەرۋەرت حانىم  تۇسىپباەۆا.

دالىرەك ايتقاندا ءانشى ءوز ويىن تومەندەگىدەي ورىسشا جەتكىزگەن ەدى.

Abai.kz