ولار قالالىق وكرۋگتىك كوميسسيانىڭ وزدەرىن ۇمىتكەر رەتىندە تانىعان تىركەۋدىڭ كۇشىن جويعان ارەكەتىن زاڭسىز دەپ تانۋدى سۇرايدى.

ءباسپاسوز ءماسليحاتىن ۇيىمداستىرۋشىلار ەل پرەزيدەنتىنەن «ورتالىق سايلاۋ كوميسسياسىنىڭ ارەكەتسىزدىگىنە» باعا بەرۋدى جانە «سايلاۋ تۋرالى» زاڭعا وزگەرىس ەنگىزۋدى سۇرادى.

ءوزىن ءوزى ۇسىنعان ۇمىتكەرلەر — ايدا جەكسەنوۆا، فاتيما جاندوسوۆا، داۋلەت قۇدايبەرگەنوۆ جانە المات سالعاريننىڭ بارىنەن دە سالىق دەكلاراتسياسى بويىنشا نەمەسە زەينەتاقى تولەمدەرىن اۋدارۋعا قاتىستى قاعازداردان سايكەسسىزدىكتەر تابىلعان. بۇرىنعى ۇمىتكەرلەر سايلاۋدان شىعىپ قالعاندارىن وزدەرىنىڭ بەلسەندىلىكتەرىمەن بايلانىستىرادى.

مۇنىڭ الدىندا قازاقستاننىڭ ورتالىق سايلاۋ كوميسسياسىندا جەرگىلىكتى جۋرناليستەرگە قالالىق ءماسليحات دەپۋتاتتىعىنا ۇمىتكەرلەردى شىعارىپ تاستاعاندارىنىڭ سەبەبىن ءتۇسىندىردى. وسك مۇشەسى مارات سارسەنباەۆ شىعىپ قالعان ۇمىتكەرلەردىڭ بىلىكتىلىگىنە كۇمان كەلتىردى. ونىڭ پىكىرىنشە، ء«وزىنىڭ قارجى ماسەلەسىن دۇرىستاپ شەشە الماعان ادام مەملەكەتتىك قارجى اعىمىنا قاتىستى دۇرىس شەشىم قابىلداي الۋى ەكىتالاي».