(حان ورداسىنا ورىستاردان الىم جينايتىن باسقاقتار)

بىزدە وسىلاي سويلەۋ ابدەن قالىپتاسىپ كەتتى. 
1-دەن، قيت ەتسە وتار ەل بولعانىڭدى ايتۋدىڭ ءوزى دۇرىس ەمەس. ماقتانار زات پا ول؟ ءارى بۇگىنگى كەمشىلىكتىڭ ءبارىن وعان جاۋىپ اقتالا المايمىز. 
2-دەن، 1991-دەن ارتقا قاراي جۇرسەك، 1691ج. ورىستىڭ قول استىندا بولۋىمىز كەرەك ەدى. ءىس جۇزىندە 1822-ج. عانا حاندىق جۇيە جويىلدى. شىن مانىندە وتارلاۋشىلىق 1861 ج رەسەيدە كرەپوستنوە پراۆو جويىلعان سوڭ، ءسىبىر مەن قازاق جەرىنە شارۋالاردى قونىستىرا باستاعان (م.اۋەزوۆ "اباي جولىندا" سونى كورسەتىپ كەتتى) كەزدەن عانا ەتەك جايدى. سوندا كەڭەس كەزەڭىن قوسقاننىڭ وزىندە 100 جىلعا زورعا جەتەدى. 
3-دەن، 1991-ج بەرگى كەزەڭنىڭ قازاق ساناسىنا تيگىزگەن سوققىسى وعان دەيىنگى كەزەڭنىڭ بارىنەن اسىپ تۇسەدى. ازاتتىق العامىزعا 25 جىل بولدى، ال، ءبىز جەرىمىزدەن، تىلىمىزدەن، ۇلتىمىزدان ايرىلىپ قالۋدىڭ الدىندا تۇرمىز. جەردەن ايرىلىپ قالماۋ ءۇشىن جانتالاسىپ جاتىرمىز. تىلدەن ايرىلماۋ ءۇشىن كۇرەس ءالى الدا تۇر. قىتاي ويشىلىنىڭ تىلىمەن ايتساق، "بۇرىن بودان ەدىك، كازىر بودان بولعانداردىڭ بودانىمىز". مىنە، ناعىز بوداندىق! ال، سىزدەر ورىس وتارشىلدىعىن وسىرە ايتىپ قويمايسىزدار...