قازاقستاننىڭ باس پروكۋرورى جاقىپ اسانوۆ جاقىندا مەملەكەتتىك ورگان قىزمەتكەرلەرىنىڭ كوبىسىنىڭ بىلىكسىز ەكەندىگىن ايتىپتى.

ەلىمىزدىڭ باس پروكۋرورى استانادا وتكەن باقىلاۋشى ۆەدومستۆو قىزمەتكەرلەرىنىڭ كەڭەيتىلگەن وتىرىسىندا ارىپتەستەرىنە كىتاپ وقۋعا كەڭەس بەرگەن،-دەپ جازادى Today.kz. 

اسانوۆ مىرزانىڭ ايتۋىنشا، مەمورگاندارداعى ماسەلەنىڭ ەڭ ۇلكەنى – شالاساۋاتتى كادر. سوندىقتان، پروكۋرورلارعا مىندەتتى وقىتىلاتىن كىتاپتاردىڭ ءتىزىمى دە بەكىتىلمەك ەكەن.

«كىتاپ وقىڭىزدار. مىسالى، «ادامداردىڭ جەتى پايدالى داعدىسى» اتتى كىتاپتى وقىڭىزدار. كىتاپ وقىساڭىزدار وزدەرىڭىز كورەسىزدەر، وزگەرەسىزدەر. باسقاشا باجايلايتىن بولاسىزدار. مەن سەنىمدىمىن. نەمەسە گانداپاستىڭ كوپتەگەن كىتاپتارى بار، سولاردى وقىڭىزدار. «وراتورعا ارنالعان 101 كەڭەس» دەگەن كىتاپ بار. ءبىز سوندا عانا پروكۋراورلاردىڭ بىلىكتىلىك دەڭگەيىن ارتتىرامىز جانە ءبارىمىز ءبىر تىلدە سويلەسۋىمىز كەرەك. وبلىستارداعى پروكۋرورلار مەنىڭ ءتىلىمدى تۇسىنبەي، مەن ولاردىڭ تىلدەرىن تۇسىنبەي جۇرمەيىك. سوندىقتان، قر باس پروكۋروتۋراسىنا قاراستى قۇقىق قورعاۋ ورگاندارى اكادەمياسىنا ادەبيەتتەردىڭ ءتىزىمىن جاساپ، پروكۋروتۋرا سايتىنا ورنالاستىرۋدى تاپسىرامىن»،-دەيدى اسانوۆ.

ايتپاقشى، ەندىگارى پروكۋراورلار 4 كەزەڭنەن تۇراتىن تەست تاپسىرۋ ارقىلى عانا لاۋازىمدى قىزمەتتەرگە ورنالاساتىن بولادى. اۋەلى ۇمىتكەرلەر ەكى بىردەي شىعارماشىلىق ەمتيحان تاپسىرادى. ءبىرىنشى ومىرلىك تاجىربيەسى تۋرالى شىعارما جازسا، ەكىنشى بەرىلگەن تاقىرىپقا ەسسە جازۋ كەرەك. سودان كەيىن بارىپ، جاسىرىن تاپسىرمالار ورىندايدى. ال ءۇم تكەرلەردىڭ سوڭعى ەمتيحانىندا پسيحولوگيالىق تەست تاپسىراتىن بولادى. وسىلايشا ەلىمىزدە پروكۋرورلاردى ءبىلىم دەڭگەيىنە قاراپ تاڭدايتىن بولادى ەكەن.

«ەلىمىزدە ءبىلىمسىز، بىلىكسىز كادر ماسەلەسى كۇن تارتىبىنەن تۇسپەي تۇر. بۇل بارلىق مەملەكەتتىك مەكەمەلەردىڭ ورتاق پروبلەماسى. سونىڭ ىشىندە ءبىزدىڭ پروكۋروتۋرادا دا وسىنداي ماماندار بار. ەلباسىمىز وسىندان 8 جىل بۇرىن كادر كەمشىلىگىن شەشۋدى تاپسىرعان ەدى. سەبەبى، جۇمىسقا الاردا ادامنىڭ كاسىبي تاجىربيەسىنە قاراپ ەمەس، تۋىستىق قاتىناستارىنا قاراپ قابىلداۋ دەگەن ءبىزدىڭ ەلدە ءورشىپ تۇر. كىم بولسا سونى الىپ جاتادى»،-دەيدى جاقىپ اسانوۆ.

«ادام كىتاپ وقۋدى قويسا، ويلاۋدى قويادى» دەگەن ماعىنالى ءسوز بار ەدى. راس-اۋ، مۇنى ءبىزدىڭ باس  پروكۋروتۋرا ەندى تۇسىنە باستاسا كەرەك. قۇقىق قورعاۋشىلار ەندى ەركىنەن تىس بولسا دا، كىتاپ وقيتىن بولادى. بۇگىن اسانوۆ مىرزا سولاي دەپ مىندەتتەپ بەردى. الداعى ۋاقىتتا باس پروكۋروتۋرا سايتىندا وقۋعا مىندەتتى كىتاپتاردىڭ ءتىزىمى جاريالانادى.

حوش! ال قازىرگى تاڭدا مەملەكەتتىك تىلدە مۇكىستەنىپ سويلەيتىن مەملەكەتتىك ورگاندارداعى شالاساۋاتتى شەنەۋنىكتەر مەن مەمقىزمەتكەرلەردىڭ نەشە پايىزى كىتاپ وقىعان؟ ول تۋرالى ناقتى دەرەكتەر ايتىلماسا دا، رەسمي ستاتيستيكاعا سۇيەنسەك، 17 ميلليوننان استاتىن حالىقتىڭ 17 پايىزى عانا كىتاپ وقيدى ەكەن. بۇلستاتيستيكا باسقاسىن قويعاندا ورتا مەكتەپتەر مەن جوو-دا وقيتىن ستۋدەنتتەر مەن وقۋشىلاردىڭ ۇلەسىنەن اسپايتىنى تۇسىنىكتى.  ەندىگىسىن ءوزىڭىز ويلايپ كورىڭىز!..

نۇرزات توعجان