بۇعان قوسا ول ەلدەگى توتەنشە جاعداي ءبىر نەمەسە ءبىر جارىم ايدا اياقتالىپ قالارىنا سەنىم ءبىلدىردى.

بۇعان دەيىن تۇرىك پرەزيدەنتى رەجەپ ەردوعان توتەنشە جاعداي رەجيمى ءۇش ايعا سوزىلاتىنىن مالىمدەگەن ەدى. وسى ۋاقىت ارالىعىندا پرەزيدەنت پارلامەنتتىڭ كومەگىنسىز-اق جاڭا زاڭدار قابىلداي الادى. ادام قۇقىعىن قورعاۋشىلار بۇنىڭ ءبارى ءساتسىز توڭكەرىس جاقتاستارىن رەپرەسسيالاۋعا اكەپ سوقتىرا ما دەپ قاۋىپتەنەدى. گەرمانيا سىرتقى ىستەر ءمينيسترى فرانك-ۆالتەر شتاينمايەر بەيسەنبى كۇنى تۇركيانى توتەنشە جاعداي رەجيمىن تەزىرەك اياقتاۋعا شاقىردى.

16 شىلدەدە تۇندە تۇركيادا ءساتسىز اسكەري توڭكەرىس بولىپ، بيلىك بۇلىكشىلەردى باسىپ تاستادى. بۇلىككە قاتىسقان دەگەن كۇدىكپەن شامامەن 6 مىڭ ادام ۇستالدى، ولاردىڭ اراسىندا جوعارى لاۋازىمدى وفيتسەرلەر، شەنەۋنىكتەر جانە سۋديالار بار. مەكتەپتەر مەن جوعارعى وقۋ ورىندارىنىڭ بىرقاتار قىزمەتكەرىن بۇلىكشىلەرمەن بايلانىسى بار دەگەن كۇدىكپەن جۇمىستان شىعاردى.