رەسەيدە تەرگەۋ كوميتەتىنىڭ جوعارى لاۋازىمدى شەنەۋنىكتەرى قاماۋعا الىندى
ماسكەۋدىڭ لەفورتوۆ سوتى رەسەيدىڭ تەرگەۋ كوميتەتى قاۋىپسىزدىك باسقارماسىنىڭ باسشىسى ميحايل ماكسيمەنكونى 15 قىركۇيەككە دەيىن قاماۋ جونىندە شەشىم شىعاردى. وعان ءىرى كولەمدە پارا الدى دەگەن ايىپ تاعىلىپ وتىر.
سەيسەنبى كۇنى ماكسيمەنكونىڭ ورىنباسارى الەكساندر لامونوۆ تە اتالعان ءىس بويىنشا تۇتقىندالدى.
سونىمەن بىرگە سوت ماسكەۋدەگى تەرگەۋ باسقارماسىنىڭ باسشىسى دەنيس نيكاندروۆتى دا پارا الۋ ءىسى بويىنشا قاماۋعا الۋ جونىندە شەشىم شىعاردى.
باق تاراتقان اقپاراتقا سايكەس، نيكاندروۆ پەن ونىڭ تەرگەۋ كوميتەتىندەگى ارىپتەستەرىن 8 ميلليون رۋبل كولەمىندە اقشا بوپسالادى دەگەن كۇدىكپەن فسب تۇتقىنداعان. قىلمىستىق ءىستىڭ باستى فيگۋرانتى — قىلمىس الەمىندە شاكرو مولودوي دەگەن اتپەن تانىمال زاحاري كالاشوۆ دەلىنەدى.
اباي-اقپارات
