ءماسىموۆ مىرزا موڭعولياعا 15 شىلدە كۇنى وتكەن ەۆروپا جانە ازيا ەلدەرى سامميتىنە قاتىسۋ ءۇشىن بارعان بولاتىن. بارىپ قانا قويمادى. بايان ولگەي جۇرتىن جارىلقاپ قايتتى. حوش، قۇپ! بايان-ولگەيدە سۋ تاسقىنىنان زارداپ شەككەندەرگە مەملەكەت اتىنان كومەك كورسەتىلەتىنىن مالىمدەدى. قازاقستان پرەمەر-ءمينيسترىنىڭ مۇنىسىنا جەرگىلىكتى جۇرتشىلىق ريزا بولىپ، استىنا ات مىنگىزدى، ۇستىنە شاپان جاپتى. 

ەگەمەندىكتىڭ 25 جىلىندا بيلىكتىڭ بيىك مىنبەرلەرىندە بوتەن تىلدە سويلەپ كەلگەن كارىم قاجىمقانۇلى موڭعولياعا بارعاندا قازاق تىلىندە سويلەدى. ءتىلى كۇرمەلىپ، "شاتىپ-پۇتتى" دەپ سوكپەڭىزدەر، پرەمەرىمىز ولگەي جۇرتشىلىعىنا ءوز تىلىمىزدە ءۇن قاتتى.

اقوردا اينالاسىنداعى شۇرەگەي ءتىلدى شەنەۋنىكتەردىڭ مەملەكەتتىك تىلىمىزدە سويلەگەنى ءىشىمىزدى جىلىتقانى تاعى راس. وسىدان ءسال ەرتەرەكتە مەملەكەت باسشىسى بىرىككەن ۇلتتار ۇيىمى مىنبەرىندە قازاق تىلىندە بايانداما جاساعان ەدى. بۇل پرەمەرگە "پرەمەر" بولعان سىڭايلى.

ءجا، ونان سوڭ قازاقستاننىڭ پرەمەر-ءمينيسترى كارىم ءماسىموۆ ءوزىنىڭ "ينستاگرامم" جەلىسىندەگى جەكە پاراقشاسىندا ۇلان باتىرداعى سامميت قارساڭىندا تاڭعى جۇگىرۋگە قاتىسقان ۆيدەوسىن جاريالادى. پرەمەر-مينيستر كارىم قاجىمقانۇلىنىڭ مۇنداي سپورتتىق بەلسەندىلىگىن وسىدان ءال ەرتەرەكتە بايقاعان ەدىك.  26 ماۋسىمدا استانا كۇنى قارساڭىندا ەلوردادا “استانا دۋاتلون-2016” جارىسى ءوتىپ، وعان ۇلكەن "مينكاب" قاتىسقان-تىن. ەندى ءماسىموۆ مىرزا "ۇلگى" بولىپ، "مينكاب" مەملەكەتتىك تىلدە سويلەپ كەتسە، عاجاپ!

نۇرزات توعجان

Abai.kz