بيلىك بۇل وقيعانى الدىن-الا ۇيىمداستىرىلعان ارەكەت دەپ باعالايدى. پوليتسەيلەر اتىلعان وقتىڭ داۋىسىن ەستىپ، سول جاققا بارعاندا، وزدەرى شابۋىلعا تاپ بولعان. وسىنىڭ الدىندا باتون-رۋجدا 5 شىلدەدە پوليتسيا قولىنان قازا تاپقان 37 جاستاعى افروامەريكالىق التون ستەرلينگتىڭ ءىسىن تەرگەۋ بارىسىندا ونداعان ادام ۇستالعان.

6 شىلدەدە سەن-پول قالاسىندا (ميننەسوت شتاتىندا) ءپاترۋلدى پوليتسەي 32 جاستاعى قارا ءناسىلدى جۇرگىزۋشى فيلاندو كاستيلەنى ولتىرگەن.

وسىدان كەيىن اقش-تىڭ كوپتەگەن قالالارىندا پوليتسيا قىزمەتكەرلەرىنە قارسى جاپپاي اكتسيا ءوتتى. 7 شىلدەدە داللاستا بولعان شەرۋ بارىسىندا (تەحاس شتاتى) قارا ءناسىلدى اۋعان سوعىسىنىڭ ارداگەرى بەس پوليتسيا قىزمەتكەرىن ءولتىرىپ، جەتەۋىن جارالادى.