شەللدى بىرنەشە ساعات بويى جابىق بولمەدە ۇستاعان، ودان سوڭ تاڭعى ساعات 5-تە KLM اۋەكومپانيسىنىڭ امستەردامعا ۇشاتىن رەيسىنە وتىرعىزعان. قاۋىپسىزدىك قىزمەتىنىڭ قىزمەتكەرلەرى ونىڭ «رەسەيگە كىرۋىنە رۇقسات بەرىلمەگەنىن»، جانە بۇل «تىيىم ءومىر بويى» ەكەنىن BBG باسشىسىنا ەسكەرتىپ ايتقان.

سەيسەنبى كۇنى تاڭەرتەڭ BBG توراعاسى اقش-تىڭ ماسكەۋدەگى ەلشىسى دجون تەففتپەن وقيعانى تالقىلاۋ ءۇشىن كەزدەسىپ، ەلشىلىك پەن مەملەكەتتىك دەپارتامەنت نازارىن وسى ماسەلەگە اۋدارۋعا شاقىردى.

دجەففري شەللدى رەسەيگە كىرگىزبەي تاستاردان الدىن ۆاشينگتون مەن ماسكەۋ اراسىنداعى ديپلوماتيالىق قارىم-قاتىناس بىردەن سۋىپ كەتكەن ەدى. ديپلوماتيالىق سالقىندىق ەكى ەلدىڭ بىرنەشە ديپلوماتتى ەلىنە قايتارىپ جىبەرۋدەن سەزىلدى.

BBG – اقش-تىڭ شەتەلگە تاراتىلاتىن بارلىق حابارلارىنىڭ قامقورشى كەڭەسى، ولاردىڭ ىشىندە ازات ەۋروپا/ازاتتىق راديوسى دا بار.