رەسەيلىك ساياساتكەر ۆلاديمير جيرينوۆسكي الماتىداعى ماسانچي كوشەسى مەن وزى وقىعان №25 ورتا مەكتەپتى جيرينوۆسكي اتىنا اۋىستىرۋدى ۇسىنعان ەدى. سايقىمازاق ساياساتكەردىڭ بۇل ۇسىنىسىنا قازاقستاندىق بەلسەندىلەر باسقاشا جاۋاپ بەرىپ جاتىر. ولار الەۋمەتتىك جەلىلەردى ۆلاديمير جيرينوۆسكيدىڭ اتىنداعى اجەتحاناعا تولتىرىپ جىبەرگەن. 

ەستەرىڭىزگە سالامىز، رەسەيلىك ساياساتكەر قازاقستاندىق جۋرناليستەرگە بەرگەن سۇحباتىندا:

«رەسەيلىكتەر قازاقستانعا قۇرمەتپەن قارايدى. ونىڭ اراسىندا مەن دە بارمىن. قازاقستان – مەنىڭ شاعىن وتانىم. الماتىداعى ماسانچي كوشەسىنە مەنىڭ اتىمدى بەرسە قارسى ەمەسپىن. №25 مەكتەپكە دە مەنىڭ اتىمدى بەرىپ، مەن تۇرعان ءۇيدى مۋزەيگە اينالدىرسا، ءتىپتى كەرەمەت بولار ەدى... ەسەسىنە، بولاشاقتا سىزدەرگە تۋريستەر كەلەتىن بولادى. بۇل سىزدەرگە ءتيىمدى»، - دەگەن-ءدى.  

ال، الەۋمەتتىك جەلىلەردە قازاقستاندىقتار كوشە ەمەس، قوعامدىق دارەتحانالاردىڭ بىرىنە ورىس ساياساتكەرىنىڭ ەسىمىن بەرۋدى ۇسىنۋدا. سونداي-اق، "جيرينوۆسكي اتىنداعى جىندىحانا" دەگەن اتاۋ دا پسيحديسپانسەرلەردىڭ ءبىرىنىڭ كوركىن اشادى دەيدى فەيسبۋك پايدالانۋشىلارى.

بۇعان دەيىن ۆلاديمير جيرينوۆسكي قازاقستان دەگەن ەلدىڭ بار ەكەنىن مويىندامايتىنىن، قىرىمنان كەيىن قازاقستاننىڭ سولتۇستىك وبلىستارىن دا رەسەيگە تارتىپ الۋ كەرەكتىگىن ايتقان بولاتىن.

ءشارىپحان قايسار

Abai.kz