قوعام قايراتكەرلەرi مەن ساياساتكەر ازاماتتار حالىققا باسۋ ايتىپ، كەلiسسوز جۇرگiزۋگە كۇش جۇمسادى. الاي­دا ىمىراعا كەلiپ، كەرi شەگiنگەن تۇرعىنداردى تارپا باس سالعان قارۋلى توپ ونسىز دا كەمەرiنە جەتكەن ىزانى قايناتىپ جiبەرگەن. جوعارىدان تۇسكەن بiر اۋىز بۇيرىقتان سوڭ جۇرتقا لاپ قويعان پوليتسەيلەردi اياق استىندا تاپتالعان اق جاۋلىقتى انا دا، شىر­قىراي جىلاعان بالا دا توقتاتا المادى. قولدارىنا تۇسكەن زاتىمەن قورعانىپ، باس ساۋعالاعان شاڭىراقتىقتاردى قانداستارى، قازاقتىڭ بالالارى سوققىنىڭ استىنا الىپ جاتتى. ءولiم مەن ءومiردiڭ ورتاسىندا ارپالىسقان جۇرتتىڭ ءوز بالاسى جاعاسىنا جارماسىپ، جون ارقاسىن ءوز بالاسىنىڭ تاياعى وسىپ، تiلدi. نەسiبەسiنەن قاعىلىپ، قاڭ­عىعان حالىقتى بيلiكتiڭ جاندايشاپتارى ايامادى. بالاسى مەن اناسى اڭىراعان قىرعىندا بiر پوليتسەي جۇرت­تىڭ قولىنا تۇسەدi. جاراقاتتانعان ونى شاڭىراقتىقتار ءوز ۇيiنە كiرگiزiپ الادى. “كەپiلگە الىنعان قۇقىق قورعاۋشىنى قۇتقارۋ” وپەراتسياسىن باستاپ، سونى سىلتاۋ ەتiپ ەكiنشi رەت شابۋىل جاساۋعا بۇيرىق بەرiلەدi. حالىققا اراشا تۇسكەن، الماتىدان كەلگەن ادامداردىڭ كومەگiمەن الگi “كەپiل­دiككە الىنعان” جەدەل ارەكەت ەتۋ ارنايى وتريادى جاۋىنگەرiنiڭ كيiمiن كيگەن انەس ەستەمەسوۆ امان-ەسەن بوساتىلادى. پوگون تاققاندار “باس كوتەرۋ­شiلەر” ادامىمىزدى بوساتسا، شابۋىل جاسالمايدى” دەگەن ۋادەسiندە تۇر­ماي­دى. ءسويتiپ ەكi جاقتىڭ بەيبiت كەلiسiمگە كەلۋiنە جاسالعان ارەكەتتiڭ ءبارi زايا كەتتi. ەكiنشi رەت ارقىراي ۇم­تىلعان پوليتسەيلەردiڭ ارىنى سۇمدىق ەدi. جولىنداعىنىڭ بارلىعىن جاپىرىپ، باس-كوزگە قارامادى.

قىرعىن قاقتىعىستىڭ سالدارىنان 24 جاستاعى پوليتسيا قىزمەتكەرi قازا تاپتى. وسى iسكە بايلانىستى 25 ادام تۇتقىندالىپ، تورتەۋi سوتتالدى. “شاڭىراقتاعى” وقيعانىڭ باستى سەبەپ­كە­رi, حالىقتى ۇگiتتەپ باسسىزدىقتى ۇيىم­داستىرۋشى رەتiندە ارون اتابەك سوت ۇكiمiمەن 18 جىلعا باس بوستاندىعىنان ايىرىلدى. سونىمەن قاتار قۇر­مانعازى وتەگەنوۆ، ەرعانات تاران­شيەۆ پەن رۇستەم تۇياقوۆتار دا 14-16 جىل ارالىعىندا تۇرمەگە جابىلدى. ولارعا بايلانىستى سوت پروتسەسi دە قيتۇرقى ساياسات پەن كوپتەگەن زاڭ بۇزۋشىلىقتارعا تولى بولعانىن ازاماتتىق قوعام وكiلدەرi الiگە دەيiن ايتادى.