الماتى قالالىق سوتىنىڭ قىلمىستىق ىستەر جونىندەگى اپەللياتسيالىق القاسى بايدالينوۆانىڭ اپەللياتسيالىق شاعىمىن قاراپ، المالى اۋداندىق سوتىنىڭ ۇكىمىن وزگەرتۋ تۋرالى قاۋلى قابىلدادى. ازاتتىق ءىس Nakanune.kz سايتىندا كازكوممەرتسبانككە قاتىستى تاپسىرىس ماتەريالداردىڭ جاريالانۋىنا بايلانىستى اشىلعان ەدى. اۋداندىق سوت بايدالينوۆانى ءبىر جارىم جىلعا تۇرمەگە وتىرعىزعان ەدى.

اۋەلى اپەللياتسيالىق سوت بايدالينوۆا مەن قالدىباەۆتىڭ شاعىمدارىن قاراۋدى 5 شىلدەگە بەلگىلەگەن بولاتىن. كەيىن سوت وتىرىسى 12 شىلدەگە اۋىستىرىلدى، ال 5 شىلدەدە قالدىبەۆ اباقتى كامەراسىندا اسىلىپ قالعان جەرىنەن تابىلدى. سوتتىڭ العاشقى ينستانتسياسى ونى كازكوممەرتسبانك تۋرالى ماقالالارعا تاپسىرىس بەرۋشى دەپ تانىعان ەدى.

سوتتالۋشىنىڭ ولىمىنەن سوڭ، كازكوممەرتسبانك قالدىباەۆتىڭ زالال قۇنى رەتىندە تولەگەن اقشاسىن مارقۇمنىڭ وتباسىنا اۋداردى. بۇعان دەيىن اتالعان بانك بايدالينوۆادان تالاپ ەتىلگەن ماتەريالدىق شىعىن كولەمىن قىسقارتقان.

سوت شەشىمىنە سايكەس، وتكەن جىلدىڭ جەلتوقسانىنان بەرى قاماۋدا وتىرعان بايدالينوۆا سوت زالىندا بىردەن بوساتىلدى. سوت شەشىمى بويىنشا، بايدالينوۆاعا الماتىدان شىعۋعا تىيىم سالىندى، وعان پروباتسيالىق باقىلاۋ ورناتىلدى.

اباي-اقپارات