كومپانيا مالىمەتى بويىنشا، 2016 جىلى 28-29 مامىردا ونتاريو جوعارعى سوتىندا تۇركيالىق Sistem Muhendislik Insaat Sanayi ve Ticaret Anonim Sirketi, Entes Industrial Plants Constraction & Erection Constracting Co. Inc.، كانادالىق Stans Energy Corp. جانە لاتۆيا ازاماتى ۆالەري بەلوكوننىڭ شاعىمدارى نەگىزىندە بىرىكتىرىلگەن ءىس بويىنشا سوت تىڭداۋى ءوتتى. شاعىم يەلەرى رەسپۋبليكاعا قارسى اربيتراجدىق شەشىمدەردىڭ ورىندالۋى نەگىزگە الا وتىرىپ، قىرعىزستاندى «قىرعىزالتىن» ااق-نىڭ Centerra Gold Inc. كومپانياسىنداعى اكتسيالارىنىڭ بەنەفيتسيارى رەتىندە تانۋىن جانە ولاردى شاعىمدانۋشىلاردىڭ مەنشىگىنە جاتقىزۋىن سوتتان سۇراعان.

11 شىلدەدە ونتاريو جوعارعى سوتى تاراپتاردىڭ ۋاجدەرىن تىڭداپ شىققان سوڭ، ءتورت شاعىمدانۋشىنىڭ بارلىعىنىڭ ارىزدارىن قاناعاتتاندىرۋدان باس تارتۋ تۋرالى شەشىم شىعاردى. ايتا كەتەرلىك جايت، كانادا پروتسەسسۋالدىق زاڭنامالارىنا سايكەس، تاراپتار سوت اكتىسىنە شاعىمدانا الادى.

ەستەرىڭىزگە سالا كەتەيىن، 2011 جىلى ساۋىردە Sistem Muhendislik Insaat Sanayi ve Ticaret Anonim Sirketi كومپانياسى، «اق-كەمە» قوناق ۇيىنە قاتىسى بار ءىس بويىنشا شىعارىلعان اربيتراجدىق شەشىم نەگىزىندە، «قىرعىزالتىن» ااق-نىڭ Centerra Gold Inc. كومپانياسىنداعى اكتسيالارىن ءوندىرىپ الۋىن سۇراپ كانادالىق سوتقا شاعىمدانعان ەدى.

2014 جىلى قازاندا، 2015 جىلدىڭ اقپان جانە قازان ايلارىندا Entes Industrial Plants Constraction & Erection Constracting Co. Inc.، كانادالىق Stans Energy Corp. كومپانياسى جانە لاتۆيا ازاماتى ۆالەري بەلوكون ءدال وسىنداي شاعىممەن ونتاريو سوتىنا بارعان ەدى. «قىرعىزالتىن» ااق-نىڭ مۇددەسىن سوتتا Baker&McKenzieLLP زاڭ كومپانياسى قورعاپ كەلەدى.

اباي-اقپارات