«وزبەكفيلم» تەررورلىق ۇيىمنىڭ نەگىزىن قالاۋشىلار تۋرالى فيلم ءتۇسىردى
باستى رولدەردىڭ ىشىندە «وزبەكستان يسلام قوزعالىسى» تەررورلىق ۇيىمىنىڭ نەگىزىن قالاۋشىلاردىڭ وبرازدارى دا بار. فيلم «وزبەكفيلم» كينوستۋدياسىندا «وزبەككينو» ۇلتتىق اگەنتتىگىنىڭ تاپسىرىسى بويىنشا ءتۇسىرىلدى.
«وزودليكتىڭ» حابارلاۋىنشا، فيلم وزبەكستان تاۋەلسىزدىگىنىڭ 25 جىلدىعى مەرەكەسىندە رەسپۋبليكالىق كينوتەاترلاردا كورسەتىلەتىن بولادى. حابارلارعا قاراعاندا، ءفيلمدى تۇسىرىلۋگە مەملەكەتتىك بيۋدجەتتەن 1 ميلليارد سوم بولىنگەن.
«كيەلى نيەت» ءفيلمىنىڭ ەكى وبرازى –تاحير يۋلداش جانە جۇما نامانگاني – تاريحي تۇلعالار. ولار 20 عاسىردىڭ 80-جىلدارىنىڭ اياعىندا نامانگان قالاسىندا يسلامدىق توپ قۇرعان. بۇل ەكەۋى 1991 جىلى رەسپۋبليكا پرەزيدەنتى بولىپ يسلام كاريموۆ سايلانعاننان كەيىن بىرنەشە ايدان سوڭ وزبەكستاننان كەتىپ، ازامات سوعىسى بولىپ جاتقان تاجىكستاننىڭ بىرقاتار يسلامدىق وپپوزيتسياسىنا بارىپ قوسىلدى.
فەرعانا القابىندا يسلام حاليفاتىن قۇرۋدى كوكسەگەن «وزبەكستاننىڭ يسلام قوزعالىسىن» 1998 جىلى ءدال وسى ەكى تاريحي تۇلعا قۇرعان ەدى.
اباي-اقپارات
